17 Qarasha, 15:52 253 0 Qoǵam Anar LEPESOVA

2023 jylǵa deıin Túrkistanda 4 mıllıonnan asa kóshet otyrǵyzylmaq

Túrkistan qalasynyń ekologııalyq ahýalyn turaqtandyrý jáne qolaıly klımat qalyptastyrý maqsatynda oblys ákimdiginiń uıymdastyrýymen apta saıyn senbilik ótetini belgili. Osy oraıda oblys ortalyǵy 32 sektorǵa bólinip, kógaldandyrý, abattandyrý jumystary júrýde. 
Kezekti senbilik ótkizýge oblystyq Qoǵamdyq damý basqarmasy, "Nur Otan" partııasy Túrkistan oblystyq fılıaly men úkimettik emes uıymdar jáne erikti jastar bastama kótergen bolatyn. Sharany qoldap, kóne shahardy jasyl jelekke oraýdy maqsat tutqan oblys ákiminiń orynbasary Ulan Tájibaev, oblystyq qoǵamdyq damý basqarmasy, 16 aýdan, qaladan 22 úkimettik emes uıym, erikti jastar, "Nur Otan" partııasy oblystyq fılıaly men "Jas Otan" jastar qanaty,  Túrkistan oblystyq Qazaqstan halqy Assambleıasy, oblystyq etnomádenı birlestikter óz úlesterin qosty.
Senbilikke qatysýshylar  Qarashyq ózeni aýmaǵynda arnaıy kógaldandyrý jumystary júrgizilip jatqan 5 ýchaskede tal egip, sýarý jumystaryna atsalysty.
Kógaldandyrý jobasyna sáıkes, bıyl 180 myń túp kóshet egý josparlanyp, búgingi kúnge 130 myń danasy egildi. Oblys ortalyǵyn kórkeıtý jumystary ary qaraı da jalǵasyn tappaq.
Josparǵa sáıkes, 2020 jyly qala ishine 250  myń túp túrli kóshetter egiledi.
Qala syrtynan qurylatyn Jasyl beldeýge 2019 - 2022 jyldary 7700 ga aýmaqqa 3,5 mln túp, onyń ishinde 2019 jyly 2300 gektarǵa     628 myń dana, 2020 jyly 2400 gektarǵa 1 mln dana, 2021-2022 jyldary 3000 gektarǵa 1,9 mln dana túp ártúrli kóshet egý josparlanyp, bul ıgi is oblystyq tabıǵı resýrstar jáne tabıǵat paıdalanýdy retteý basqarmasyna júktelgen. Jasyl beldeý qurylatyn aýmaqtyń 572 gektaryna kóktemde  160 myń kóshet egildi. Qalǵan 1428 ga aýmaqqa qazirgi kúnde 468 myń túp ártúrli kóshet (qaraǵaı, qaraǵash, aılant, kalıfornııa teregi, jıde, órik, alma, alsha, klen, t.b ) egý jumystary bastaldy.

Sońǵy jańalyqtar