16 Qarasha, 13:44 446 0 Jahan Anar LEPESOVA

Germanııa kómir óndirisinen túbegeıli bas tartty

Ótken ǵasyrdyń 60 jyldarynda elde 146 shahta bolsa, 2000- jyldardyń basynda tek 12 kómir kenishi qalǵan edi, dep habarlaıdy «Habar 24».

Al byltyr sońǵy shahta jabyldy. Endi otynnyń bul túri ózge elderden jetkiziledi. Kómir óndirisiniń jabylýyna birneshe sebep bar. Birinshiden, ony jumys kúshi arzan ózge elderden satyp alý tıimdirek. Ekinshiden, Germanııada jasyl energetıkaǵa basymdyq berilip otyr. Máselen, bıyl birinshi jartyjyldyqta eldegi jańǵyrtylatyn qýat kózderiniń úlesi 47,3% asqan. Iaǵnı alǵash ret eldegi jasyl energetıka kómir men atom elektr stansalarynan asyp túsken. Úkimet 2050 jylǵa deıin jańǵyrtylatyn qýat kózderiniń úlesin 80% deıin jetkizýdi josparlap otyr. Al jıyrma jyldan keıin Germanııada kómir jaǵatyn barlyq elektrostansalar jabylady.

– «Klımatty qorǵaý» Zańy aıasynda Germanııa jýyq arada kómir jaǵatyn elektrostansalardan bas tartýdy kózdep otyr. Atom elektrostansalary boıynsha másele sheshildi, birneshe jyldan keıin onyń barlyǵy jumysyn toqtatady. Jasyl energetıkaǵa keletin bolsaq, júıedegi qýattyń 40% astamy jańǵyrtylatyn energııa kózderinen óndirilgen, - deıdi jańǵyrtylatyn energııa boıynsha federaldyq odaq prezıdenti Sımone Peter.

Sońǵy jańalyqtar