16 Qarasha, 13:14 299 0 Áleýmet Anar LEPESOVA

Almaty oblysynda úı órtenip, anasy men eki balasy kóz jumdy

Almaty oblysynda úı órtenip, úsh adam kóz jumdy, dep habarlaıdy Qazaqparat.

«16 qarasha kúni saǵat 00.48 kezinde órtke qarsy qyzmet pýltine Almaty oblysy Eńbekshiqazaq aýdany Báıterek aýylynyń «Trýjennık» saıajaılyq qoǵamdastyǵynda eki qabatty jeke turǵyn úıden órt shyqqany týraly habarlama tústi. Oqıǵa ornyna órt sóndirýshiler kelgenshe úı tolyǵymen órtenip ketken», - dep habarlaıdy Almaty oblystyq Tótenshe jaǵdaılar departamenti.

Saǵat túngi 02.36 kezinde órt sóndirilgen. Tilsiz jaý departamenttiń habarlaýynsha, 240 sharshy metr aýmaqty alyp ketken.

«Úıindilerdi tekserý barysynda órt ornynan denesi jartylaı kúıip ketken úsh adamnyń - 1985 jyly týǵan áıel men onyń 2008 jáne 2014 jylǵy eki balasynyń máıiti tabyldy. Qazirgi ýaqytta órttiń shyǵý sebebi anyqtalyp jatyr», - delingen habarlamada.

Tilsiz jaýdy aýyzdyqtaýǵa jeke quramnan 14 adam men 3 arnaıy tehnıka jumyldyrylǵan.

Sońǵy jańalyqtar