15 Qarasha, 15:08 282 0 Jahan Anar LEPESOVA

QR Premer-mınıstri Azııa damý bankiniń prezıdentimen kezdesti

QR Premer-Mınıstri Asqar Mamın Almaty qalasynda ótip jatqan «Turaqty damý maqsattaryn júzege asyrý úshin qarjy quraldaryn jumyldyrý» aımaqtyq sammıtine qatysý úshin Qazaqstanǵa kelgen Azııa damý bankiniń (ADB) prezıdenti Takehıko Nakaony qabyldady.  Bul týraly QR Premer-Mınıstriniń baspasóz qyzmeti habarlady.

«Qazaqstan Azııa damý bankine qosylǵan Ortalyq Azııadaǵy alǵashqy memleket. Bıyl bizdiń nátıjeli yntymaqtastyǵymyzǵa 25 jyl toldy. Biz ADB-ny Qazaqstanda júzege asyrylǵan jobalar sany boıynsha halyqaralyq qarjy uıymdarynyń ishinde kóshbasshylardyń biri bolyp tabylatyn strategııalyq seriktes retinde qarastyramyz», - dedi A. Mamın.

1994 jyldan bastap ADB Qazaqstanda qarjy, ınfraqurylym, energetıka, kommýnaldyq qyzmetter sektory jáne basqa salalardy damytý boıynsha memlekettik jobalardy iske asyrý úshin $5,1 mlrd astam qaryz qarajatyn bóldi. Búgingi tańda jalpy quny $3,8 mlrd quraıtyn 30-ǵa jýyq joba tolyqtaı júzege asyryldy. ADB $49 mln-ǵa kólik jáne aýyl sharýashylyǵy keshenderi, bilim berý, densaýlyq saqtaý, shaǵyn jáne orta bıznesti damytý jáne basqa salalarda 100-ge jýyq tehnıkalyq kómek jobalaryn qarjylandyrdy.

Kólik jáne kommýnaldyq sektorlardy, mal sharýashylyǵyn jáne t.b. salalardy jańǵyrtý boıynsha jeke sektor jobalaryn iske asyrýǵa $628 mln astam qarajat bólindi. Taraptar aýyl sharýashylyǵy salasyndaǵy jáne «Aýyl – El besigi» jobasy aıasynda aýyldy damytýdy qoldaý, turǵyn úı qurylysy, týrızm jáne QR ekonomıkasynyń basqa da salalaryndaǵy yntymaqtastyqty odan ári damytý perspektıvalaryn talqylady.

T. Nakao ADB aıasyndaǵy Ortalyq Azııanyń aımaqtyq ekonomıkalyq yntymaqtastyq baǵdarlamasyn júzege asyrýdaǵy Qazaqstannyń eleýli úlesin jáne Damýǵa resmı kómek baǵdarlamasyna donor retinde belsendi qatysýyn atap ótti.

 

Sońǵy jańalyqtar