13 Qarasha, 15:24 352 0 Kólik Anar LEPESOVA

Elimizdegi joldardyń jaǵdaıyn baqylaýǵa arnalǵan mobıldi qosymsha ázirlendi

Elimizdegi avtokólik joldarynyń jaǵdaıyn baqylaýǵa arnalǵan qosymsha iske qosylady.

Arnaıy ázirlengen jol aktıvterin basqarý júıesi arqyly jol qozǵalysynyń qatysýshylary respýblıkalyq jáne jergilikti mańyzy bar joldardyń jaǵdaıyn baqylap, jol boıynda qyzmet kórsetetin nysandar, aıaldamalar, eldi mekender men merdiger uıymdar týraly tolyq aqparatty kóre alady.  Bul týraly QR Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Joǵaryda atalǵan málimetterdiń barlyǵyn QR IIDM Avtomobıl joldary komıteti Ulttyq jol aktıvteri sapasynyń ortalyǵy jınaıtyn bolady. Birinshi kezekte, júıede uzyndyǵy 24 myń shaqyrymdy quraıtyn respýblıkalyq mańyzy bar avtomobıl joldary jónindegi aqparat qoljetimdi bolmaq.

Budan keıin jergilikti joldardyń jaǵdaıyna qatysty málimetter engiziledi. Júıe tehnıkalyq turǵyda kelesi jyldyń mamyrynda iske qosylady dep kútilýde.

Al paıdalanýshylar ony 2020 jyldyń 1 maýsymynan bastap qoldana alady. «Jol aktıvterin basqarý júıesi» qosymshasyn Android jáne iOS platformasynan tegin júktep alýǵa bolady.

Sońǵy jańalyqtar