13 Qarasha, 10:48 391 0 Syrtqy saıasat Anar LEPESOVA

Eýrazııalyq odaq aýmaǵynda ortaq valıýta engizile me?

Eýrazııalyq odaq aýmaǵynda biryńǵaı valıýta engizilmeıdi. Bul týraly búgin ulttyq bank tóraǵasy Erbolat Dosaev málimdedi, dep habarlaıdy Sputnik Qazaqstan. 

Dosaev EAEO qurýdaǵy basty maqsat valıýtalyq emes, ekonomıkalyq odaq qurý bolǵanyn atap ótti.

"Biryńǵaı valıýta týraly suraq ádeıi ártúrli formada ara-tura qoıylyp otyrady. Kelisimde biryńǵaı valıýtalyq odaq qurý jáne biryńǵaı valıýtaǵa kóshý qarastyrylmaǵan. Kelisimshartta bul naqty jazylǵan. EAEO-nyń ár qatysýshysy qarjylyq sýverenıtetti saqtaıdy", - dedi ol Májilis kýlýarynda.

Dosaev ulttyq bank qarjy naryǵyn retteýshi retinde aqsha-nesıe saıasatyn júrgizýge, qarjylyq turaqtylyqty qamtamasyz etýge, daǵdarysqa qarsy qajetti sharalar qabyldaý salasynda ókilettikti tolyǵymen qaldyratynyn aıtty.

Buǵan deıin Reseıdiń qarjy mınıstrligi EAEO elderinde (Qazaqstan, Reseı, Belarýs, Qyrǵyzstan jáne Armenııa) transshekaralyq esep júıesine biryńǵaı elektrondy valıýta engizý ıdeıasyn qoldaǵan bolatyn.

Sol kezdegi ulttyq ekonomıka mınıstri Tımýr Súleımenov EAEO elderinde biryńǵaı elektrondy valıýta engizýge qarsy ekenin málimdedi.

 

Sońǵy jańalyqtar