12 Qarasha, 15:10 330 0 Ekonomıka Anar LEPESOVA

Almaty áýejaıyn sheteldik kompanııaǵa satý boıynsha kelissózder júrgizilýde

Almaty áýejaıy túrik kompanııasyna satylýy múmkin. Qazir kelissizder júrgizilip jatyr. Bul týraly QR Indýstrııa jáne ınfraqurylymdyq damý mınıstri Beıbit Atamqulov málimdedi. 

Mınıstrdiń aıtýynsha, bul qadam áýejaıdaǵy qyzmet kórsetý sapasyn jaqsartýǵa jol ashady. «Qazir túrik kompanııasymen  kelissózder júrgizilip jatyr, sondyqtan eshteńe aıta almaımyn. «Almaty» áýejaıy jeke kompanııa menshiginde. Sondyqtan satylyp jatyr. Azamattyq avıaııa komıtetimen kelisý qajet tustary boıynsha tıisti jumystar júrgizilýde. Meniń oıymsha, bul qyzmet kórsetý sapasyn jaqsartý jáne qosymsha ınvestıııalar tartýda jaqsy qadam bolady dep sanaımyn. Meniń bilýimshe, basshylyqqa birneshe áýejaıǵa ıe belgili kompanııa keledi. Jáne Franııada eki áýejaı bar sııaqty», – deıdi QR Indýstrııa jáne ınfraqurylymdyq damý mınıstri Beıbit ATAMQULOV.

Al bılet baǵasy halyqaralyq jáne eýropalyq standarttarǵa sáıkes bekitilýi tıis dedi mınıstr myrza. Sonymen qatar sońǵy ýaqytta Almaty áýejaıynda jolaýshylar aǵyny ulǵaıǵanyn aıtty. Sol sebepti Ońtústik astanaǵa Katar áýe jelisi arqyly birneshe baǵyt qosylatynyn atap ótti.

«Ótken aptada Dohada júrgizilgen kelissózder aıaqtaldy. Jeltoqsannyń ortasynan bastap,  Katar áýe jelisiniń 7 reısi Almaty men Nur-Sultan qalalaryna kún saıyn qatynaıtyn bolady. Sondaı-aq taǵy 7 júk reısi bolady. Bul bizdiń azamattarǵa qosymsha baǵyttardy tańdaýǵa múmkindik beredi. Bul baǵa men qyzmetke óz áserin tıgizedi», – dedi QR Indýstrııa jáne ınfraqurylymdyq damý mınıstri Beıbit ATAMQULOV.

Sońǵy jańalyqtar