12 Qarasha, 11:30 307 0 Jahan Anar LEPESOVA

Nursultan Nazarbaev Eýrazııanyń turaqtylyǵyn teńseltetin qaýip-qaterlerdi atady

Astana Club plenarlyq otyrysynda sóılegen sózinde Nursultan Nazarbaev Eýrazııa keńistigindegi geosaıası jaǵdaıǵa áserin tıgizetin negizgi qaýip-qaterlerge toqtaldy. 

«Men de Eýrazııadaǵy geosaıası jaǵdaıǵa jaǵymsyz áserin tıgizetin qaýipter jaıly kózqarasymdy bildirsem dep edim. Birinshiden, bizdi kele jatqan daǵdarystan habar beretin álemdik ekonomıkadaǵy ahýal alańdatady. Saýda teketiresteri ósip kele jatqandyqtan, geosaıası turaqsyzdyq ahýalyna álemdik ınstıtýttar teris baǵasyn berip jatyr. Jahandyq ósimniń báseńdeýi álemdik saýdaǵa teris yqpalyn tıgizip keledi. Jahandyq memlekettik qaryzdyń deńgeıi 2007 jylǵy daǵdarys aldyndaǵy qaryz deńgeıinen eki ese artyp, álemdik JIÓ-niń 80 paıyzyna jetti. Bul faktorlardyń barlyǵy álemdik turaqtylyqty teńseltip, Eýrazııa elderine qatty yqpal etip otyr», - dedi Nursultan Nazarbaev Astana Club otyrysynda.

Elbasy Astana Club otyrysyna qatysýshylardyń birqatarymen jeke kezdeskenin, dál sol kezdesýlerde atalǵan máseleler talqylanǵanyn tilge tıek etti.

«Ekinshiden, álemdik derjavalar arasyndaǵy básekelestik jańa deńgeıge shyqty. Ózara sankııalar, saýda soǵystary – AQSh pen QHR-dyń qazirgi qarym-qatynasynyń qalypty jaǵdaıyna aınalyp ketken. Agressıvti rıtorıka, ekonomıkalyq sankııa – Batys pen Reseı arasyndaǵy negizgi qatynas tili bolyp tur. Turaqty kommýnıkaııa arnalarynyń bolmaýy ahýaldy odan saıyn qıyndatyp otyr. Jetekshi derjavalardyń arasyndaǵy teketires avtomatty túrde Eýrazııanyń ystyq núktelerine aýysyp otyrady. Ol jaǵdaı Sırııa men Ýkraınadaǵy máseleni beıbit túrde sheshý amaldaryn qıyndatady. Al Breksıt – sońǵy ýaqyttyń negizgi antııntegraııalyq oqıǵasyna aınaldy», - dedi ol.

 

Sońǵy jańalyqtar