11 Qarasha, 10:32 315 0 Jahan Anar LEPESOVA

Internatta múgedekterdi merzimi ótken dárilermen emdep kelgen

Buharada múgedek áıelderge arnalǵan "Meıirim" ınternat úıinde jyldar boıy merzimi ótip ketken dáriler qoldanylyp kelgen. Medbıkelerdiń aıtýynsha, psıhıkalyq aýytqýy bar áıelder kir tósekte uıyqtap, jyrtyq kıimder kıip kelgen, dep habarlaıdy Ortalyq Azııanyń jańalyqtar qyzmeti. 

Atalǵan mekemede jumys isteıtin medbıkeler Azattyqtyń ózbek qyzmetiniń redakııasyna merzimi ótip ketken «Aloe» jáne «Flýsam» sekildi dárilerdi jibergen. Olardyń aıtýynsha, ınternat-úıiniń jetekshi medbıkesi Gúlshan Rahmatova ózderin atalǵan dárilerdi naýqastarǵa berýge májbúrlegen.

Buharada ornalasqan "Meıirim" ınternat- úıinde 250 áıel emdeledi. Olardyń deni júıke aýrýyna shaldyqqan. Olarǵa táýlik boıy 157 medbıke qaraıdy.

Óziniń aty-jónin jarııalamaýdy ótingen medbıkeniń biri merzimi ótip ketken dárilerdi bergennen bólek, naýqastarǵa sapasy nashar taǵam beredi, jyrtyq kıimmen júredi, las tósekte uıyqtaıdy deıdi.

Birqatar medbıkelerdiń shaǵymynan keıin bıyl mamyr aıynda Buhara oblystyq densaýlyq saqtaý basqarmasynan arnaıy komıssııa kelip teksergen eken.

Tekserýlerden keıin dırektor Bahodır Oltıevti qyzmetinen alǵan. Biraq medbıkelerdiń aıtýynsha, ol áli kúnge deıin jumysqa kelip, mekemeni basqaryp otyr. Munymen qoımaı, qaramaǵyna tek týystaryn alǵan.

Ózbekstannyń Eńbek kodeksine sáıkes, jaqyn týystarǵa bir mekemede jumys isteýine bolmaıdy.

Sońǵy jańalyqtar