11 Qarasha, 10:12 358 0 Rýhanııat Anar LEPESOVA

"Qazaq handyǵy. Almas qylysh" fılmi Lıýksembýrgte kórsetiledi

16 qarashada Lıýksembýrg qalasynda QR mádenıet jáne sport mınıstrligi tapsyrysy boıynsha túsirilgen "Qazaq handyǵy. Almas qylysh" tarıhı fılmi kórsetiledi dep habarlady "Qazaqfılmniń" baspasóz qyzmeti. 

Tarıhı kınotýyndynyń rejısseri – Qazaqstan Respýblıkasynyń Eńbek sińirgen qaıratkeri, kınorejısser, senarıst jáne sýretshi Rústem Ábdirashov. Ol "Quraq kórpe", "Qaladan kelgen qyz", "Stalınge syılyq", Elbasy joly kınoepopeıasynyń: "Balalyq shaǵymnyń aspany", "Ot-ózen", "Temirtaý", "Tyǵyryqtan jol tapqan" kınotýyndylarynyń jáne "Qazaq handyǵy"  serıalynyń avtory.

"Qazaq handyǵy. Almas qylysh"  fılmi tarıhı "Qazaq handyǵy" kınodıologııasynyń birinshi bólimi. Fılmniń senarııi Ilııas Esenberlınniń "Almas qylysh" romanynyń jelisi boıynsha jazylǵan. Bul fılm Kereı men Jánibek handardyń handyq quryp, irge keńeıtý, memlekettiń bosaǵasyn bekemdeý barysyn sýretteıdi.

Lıýksembýrg qalasynda ótetin fılmniń kórsetilimin Ortalyq Azııa men Eýropa arasynda mádenı kópir ornalastyrýǵa baǵyttalǵan kommerııalyq emes Kazakhstan-Luxembourg Cooperation atty uıym uıymdastyryp otyr.

Sońǵy jańalyqtar