8 Qarasha, 16:18 191 0 Zań Anar LEPESOVA

Teatrdy qaıta jóndeýge bólingen 32 mln teńgeni jymqyrǵan dırektor tergelýde

Elordada "Astana-Kókshe" JShS dırektory Gorkıı atyndaǵy drama teatryn qaıta jóndeýge bıýdjetten bólingen 32 mln teńgeni jymqyrdy degen kúdikke ilindi. Bul týraly sybaılas jemqorlyqqa qarsy agenttik habarlady. 

Sybaılas jemqorlyqqa qarsy agenttiktiń habarlaýynsha, qazir bıýdjetten bólingen mıllıondaǵan aqshany jymqyrý faktisi boıynsha sotqa deıingi tergeý jumystary bastalǵan. Bul iste basty kúdikti "Astana-Kókshe" JShS dırektory bolyp otyr.

Tergeý nusqasy boıynsha, kásiporyn dırektory Maksım Gorkıı atyndaǵy Memlekettik akademııalyq orys drama teatryn qaıta jóndeýge bıýdjetten bólingen aqshany ózine alǵan.

Qazir tergeý jumystary jalǵasýda.

Kúdiktiniń kinálilik deńgeıi men jazalaý sharasyn sot anyqtaıdy.

Sońǵy jańalyqtar