8 Qarasha, 15:46 303 0 Rýhanııat Anar LEPESOVA

Semeı áýejaıy Abaıdyń atymen atalady

 Shyǵys Qazaqstan oblystyq máslıhatynyń depýtattary Semeı qalasynyń áýejaıyna Abaı esimin berý týraly usynysty qoldady. Bul týraly Semeı qalasynyń aqparat ortalyǵy habarlady. 

«Semeı qalasynyń áýejaıyna Abaı esimin berý týraly jáne Semeı qalasynyń bilim berý mekemelerine tanymal tulǵalardyń attaryn berý oblystyq onomastıkalyq komıssııada maquldanyp, Shyǵys Qazaqstan oblystyq máslıhatynyń depýtattary tarapynan qoldaý tapty. Qujattar respýblıkalyq onomastıka komıssııasyna jiberildi», delingen habarlamada.

Qaladaǵy № 49 mektep te aqyn atymen atalady. Al Óskemendegi gýmanıtarlyq kolledjge Abaı esimi berilýi múmkin. Kelesi jyly elimiz Abaıdyń 175 jyldyǵyn toılaıdy.

Aıtýly mereıtoıǵa oraı oblys kóleminde 500-den astam shara ótedi. Al, Nur-Sultan qalasynda «Abaı álemi» degen úlken ortalyq salynady. Qala ákimshiligi óz esebinen Abaı kóshesiniń boıynda uly aqynǵa úlken eskertkish ornatatyn bolady. Semeı qalasyndaǵy oqý oryndaryna kórnekti tulǵalardyń attary beriletin boldy. № 2 orta mektep - Qanysh Sátbaev, №3 mektep-keshen – Muhtar Áýezov, №34 mektep Baýyrjan Momyshuly, №37 mektep-gımnazııa - Ybyraı Altynsarın, №39 mektep - Álıhan Bókeıhan, №47 mektep- Ahmet Baıtursynov, Prıgorod orta mektebi - Júsipbek Aımaýytovtyń atymen atalady.

 

Sońǵy jańalyqtar