7 Qarasha, 11:59 253 0 Rýhanııat Anar LEPESOVA

"Qýana bilgenge qut qonady..."

QR Tuńǵysh Prezıdenti – Elbasy Keńsesiniń basshysy Mahmut Qasymbekovtiń «Elbasy jáne túlegen Túrkistan» atty maqalasy eriksiz qolǵa qalam alǵyzdy. Al, Mahmut Qasymbekov elbasytanýǵa úlken úles qosyp júrgen, birneshe kitap jazǵan adam. Bul maqalasynda da Elbasynyń Túrkistanǵa sińirgen eńbegi tamasha taldanypty. Keshe Nursultan Ábishuly kıeli shahardy aralap, qurylyspen tanysqanynda qasynda boldym. Ol kisi Túrkistanǵa burynnan nazar aýdaryp kele jatqanyn, tipti Túrkistandy el astanasy etpek bolǵanyn aıtty. Biraq sol kezdegi saıası jaǵdaı basqasha bolyp, bul oıyn júzege asyrýyna múmkindik bolmaǵanyn málimdedi. «Túrkistan túrki dúnıesiniń mádenı astanasy retinde kórkeıedi. Oblys ortalyǵy atanǵan shahardyń ekijyldyq merekesinde kóptegen kórikti, sáýletti ǵımarattar paıdalanýǵa beriledi. Ózderińizben birge sol sátti de birge toılaımyz» – dedi Elbasy.

  Túrkistannyń búgingi tańda keremet gúldenip, kórkeıýi Elbasynyń  «Rýhanı jańǵyrý» baǵdarlamasynyń eń úlken jemisi, jeńisi desek bolady. Sondyqtan Túrkistanǵa eki apta barmaı qalsam tanymaı qalamyn. Turyn úı keshenderi, ǵajap ǵımarattar jarqyrap tur. Bir jyl úsh aıdyń ishinde shahar keremet damyǵan. Birlik, yntymaq bolsa bári de bolatynyna kóz jetti. Bul oraıda Ómirzaq Estaıulynyń ákim bolyp taǵaıyndalýy úlken ról atqaryp tur. Elbasynyń oblys tizginin osy kisige senip tapsyrýy úlken kóregendik, tapqyrlyq, bilgirlik dep esepteımin. Ábish Kekilbaevtyń «Qýana bilgenge qut qonady, baǵalaı bilgenge baq qonady» degen ǵıbratty sózi bar. Elbasy bastap, oblys ákimi qostap, barlyq  basshylardyń, halyqtyń istep jatqan isine qýana bilýimiz kerek.

Marhabat BAIǴUT,

jazýshy-dramatýrg, halyqaralyq «Alash» ádebı syılyǵynyń,

«Qurmet», «Parasat» ordenderiniń ıegeri

Sońǵy jańalyqtar