7 Qarasha, 11:53 268 0 Aımaq Túrkistan Gazeti

Túrkistandy tanytatyn taǵy bir týyndy

QR Tuńǵysh Prezıdenti – Elbasy Keńsesiniń basshysy Mahmut Qasymbekov «Egemen Qazaqstan» gazetinde «Elbasy jáne túlegen Túrkistan» atty taqyrypta jarııalaǵan maqalasynda táýelsizdik alǵan jyldardan keıin Elbasy Nursultan Ábishulynyń Túrkistandy túletýge erekshe den qoıǵanyn aıtady. Sonyń bir aıǵaǵy retinde – Q. A. Iasaýı atyndaǵy Halyqaralyq qazaq-túrik ýnıversıtetiniń ashylýyn keltiredi. Tuńǵysh Prezıdentimiz sol kezde atalmysh oqý ornyna «Túrkistandy órkenıet bıigine kóteredi» dep senim bildirgen-di. Búginde oqý orny qalashyǵy aýmaǵynyń ulǵaıa bastaǵanynyń ózi bul oıynyń aınymastaı oryndalyp kele jatqanyn ańǵartsa kerek.

  Búgingi Túrkistan, buryńǵy Túrkistan emes. Jańaryp, jasarǵan. Tuńǵysh Prezıdentimizdiń «Kóne Túrkistan jańa Qazaqstannyń shyraıly shaharyna aınalady» dep tasqa qashap jazdyrǵan sózi aqıqatqa aınalyp keledi. Búginde qalaǵa kire bergennen-aq qurylystyń qarqynyn baıqaý qıyn emes. Bul aldaǵy úlken isterdiń bastaýy ǵana. Kezegin kútken áli talaı jobalar barshylyq. Muny avtor bylaı keltirgen: «Ǵulama ǵasyrlardyń tere­ńinen tamyr tartqan Túrkistan árbir atqan kúnnen úmit kútip, ár tańdy jańa josparlarmen qarsy alady. Onyń keleshegi kemel, erteńi eńseli bolatyny­na biz kámil senemiz, óıtkeni qas­terli qalany jarqyn bola­shaqqa bastaǵan búgingi ulan­ǵaıyr ózgeristerdiń basynda Táýelsiz elimizdiń Tuńǵysh Pre­zı­denti – Elbasy Nursultan Ábish­uly Nazarbaevtyń ózi tur».

Jalpy Túrkistannyń ósip-órkendeýi tek Qazaq­stannyń bedelin bıiktetip,  álem aldyndaǵy abyroıyn asqaqtatyp qana qoımaı, kúlli túrki dúnıesiniń mártebesin kótere túseri sózsiz.

Eshqashan sózi men isi alshaq bolyp kórmegen Nursultan Ábishulynyń muryn­dyq bolýy­men ár jyldary Túrkis­tan shaharyna baýyrlas Túrkııa eliniń basshylary Tur­ǵyt Ózal, Súleımen Demırel, Ahmet Sezer, Abdýlla Gúl, Rejep Erdoǵan arnaıy kelip, Iasaýı mazarynyń basynda duǵa oqydy. Bul – olardyń túrkiniń qarashańyraǵyn ustap qalǵan qazaq topyraǵyna degen rııasyz kóńildiń, sheksiz qurmettiń belgisi bolsa kerek.

Jeńisbek MÁÝLENQULOV,

Túrkistan oblystyq ardagerler keńesiniń tóraǵasy

Sońǵy jańalyqtar