6 Qarasha, 23:39 349 0 Kólik Dınara MYŃJASARQYZY

FlyArystan 6 aılyq jumys nátıjesin qorytyndylady

 FlyArystan birinshi jartyjyldyq jumysyn qorytyndylap, 6 aıdyń ishinde ushaq borttaryn 94% júktep, reısterdiń 93% ýaqytyly oryndaǵan eken. Barlyq tasymaldanǵan jolaýshylar sany 455 myńnan asqany týraly qýana habarlaıdy.

2019 jyldyń 1 mamyrynan bastap otandyq loýkoster 600 000 myńnan astam bıletti satyp úlgerdi. Olardyń ishinde jeltoqsannyń 13-nen bastap oryndalatyn Nur-Sultan-Máskeý-Nur-Sýltan halyqaralyq baǵyty bıletteri de bar. Birinshi jartyjyldyq jumysynyń qorytyndysy boıynsha 2500 reıs oryndalǵanyn atap ketken jón.

«FlyArystan-nyń mınımaldy tarıfteri 3 999 teńgeden (10 AQSh dollary) bastalady. Árbir reıste ortasha eseppen 170 jolaýshy sapar shegedi. Olardyń 56% (95 jolaýshy) eń arzan 4 brondaý klassynyń bıletterin satyp aldy, 9% (15 jolaýshy) eń qymbat klassyn brondaǵan eken. Al qalǵany ortasha deńgeı bıletterin alypty. FlyArystan naryqta paıda bolýynan keıin kóptegen adamdar basqa kólik túrlerinen áýekemege aýysqandary áldeqalaı qýantady. Osynyń bári satylǵan bıletterdiń 47% quraǵan 10 000 teńgege (26 AQSh dollary) deıingi bıletterdiń arqasynda paıda bolǵan múmkindik», - dep málim etti FlyArystan-nyń satý jáne marketıng bóliminiń dırektory Janar Jaılaýova.

Jyl sońyna deıin loýkosterdiń qarqyndy túrde damyp kele jatqan baǵdarlar kestesindegi 10 ishki baǵytqa jańadan 3 jańa reıs qosylady. Osylaısha áýetasymaldaýshy parktegi tórtinshi ushaq bortymen Nur-Sultannan Jýkovskııge qatynaı bastaıdy. Al 2020 jyldyń sońyna deıin FlyArystan 10 reaktıvti Airbus A320 ushaǵyna deıin kóbeıip, Qaraǵandy men Aqtóbedegi jańa bazalardan reısterdi oryndaı bastaıdy. Bul baǵdarlar kestesin 40 baǵytqa deıin keńeıtýge múmkindik týǵyzady.

FlyArystan-nyń basshylyǵy Tım Djordannyń oıynsha 2020 jyly Qazaqstan álemdik ishki tasymal naryǵynyń eń qarqyndy damyp kele jatqan memleketi bolmaq. «2019 jyldyń qazan aıynyń nátıjesimen byltyrǵy jyldyń dál osy mezgili nátıjesin salystyrǵanda elimizdiń áýejolaýshylar sany 33% ósken. Ósimniń birden-bir sebebi FlyArystan loýkosteriniń paıda bolýymen tikeleı baılanysty. Bul FlyArystan  bıýdjettik kompanııasyna, Eır Astana kompanııa toby men jalpy búkil qazaqstandyqtarǵa jaǵymdy jańalyq bolatyny sózsiz Salystyrmaly túrde 2018 jyly áýetasymaly eń qarqyndy damyǵan, ıaǵnı jolaýshylar sany 19% ósken el - Úndistan.» - dep oıymen FlyArystan loýkosteriniń bas ókileti málim etti.

FlyArystan bıýdjettik áýekompanııasy  – Almaty qalasynda negizdelip, Skytrax World Airline Awards baǵalaýynsha qyzmet kórsetý sapasy 4 juldyzǵa sáıkestenip, Ortalyq Azııa men Úndistandaǵy eń úzdik kompanııa dep tanylǵan, «Eır Astana»  áýetasymaldaýshysynyń bólimshesi.

FlyArystan áýeflotynyń orta jasy 6 jyl,  180 orny bar 3  Airbus 320-232 ushaqtarynan quralǵan. 2022 jylǵa qaraı parktegi áýekemeler sanyn 15 deıin jetkizip, olardy Qazaqstannyń birneshe iri qalasynda negizdeý josparlanyp otyr. Az ýaqyt buryn loýkoster beketteri Almaty, Qaraǵandy men Aqtóbede negizdeıtini týraly málim etti.

Sýretti túsirgen Amır Mýhametgalın

Sońǵy jańalyqtar