6 Qarasha, 11:08 323 0 Zań Anar LEPESOVA

Qaraǵandylyq 1200 azamatqa el aýmaǵynan shyǵýǵa tyıym salyndy

Qaraǵandy oblysynyń 1200 turǵynyna el aýmaǵynan shyǵýǵa tyıym salyndy. Olardyń barlyǵy boryshkerler. Mamandardyń aıtýynsha, búginde aımaqta alıment, salyq, aıyppul, bank qaryzdaryn tóleýden jaltaryp júrgenderdiń jalpy sany 250 myńǵa jetken.

Óńir turǵyndarynyń tek salyq beresheginiń ózi 1 mıllıard 170 mıllıon teńgeden asady. Ókinishke qaraı, olardyń isi áli kúnge aımaqtyq sot oryndaýshylar palatasynda jatyr. Sot sheshiminiń der kezinde oryndalmaýyna eń áýeli mamandar tapshylyǵy sebep, - deıdi palata ókilderi. Máselen, Ulytaý, Qarqaraly, Aqtoǵaı aýdandary men Prıozersk qalasynda qazir sot oryndaýshylary múldem joq. Onyń ústine, memlekettik jáne jeke sot oryndaýshylardyń mártebesi teń emes. Sońǵysynyń ákimshilik quqyqbuzýshylyq týraly hattama toltyrýǵa quqy joq. Ony memlekettik sot oryndaýshylarǵa jiberedi. Al palatadaǵy sanaýly adam qaptaǵan isti qarap úlgermeıdi. Osydan soń boryshkerler sany ósip, qaryz óndirý isi aqsap tur.

Búginge deıin sot sheshimin oryndamaǵan boryshkerlerdiń tek 27 proenti jaýapqa tartylǵan. Sondyqtan depýtattar eń aldymen zańǵa ózgeris engizý qajet dep otyr. Óıtkeni Ult josparyndaǵy «100 naqty qadamda» dál osy sot oryndaýshylar jumysyn jetildirý máselesi aıtylǵan.

 

Sońǵy jańalyqtar