5 Qarasha, 15:40 398 0 Áleýmet Anar LEPESOVA

Elordada alımentten jaltaryp júrgen ákelerdiń sany qansha?

Jyl basynan beri elordanyń jeke sot oryndaýshylarynyń qaraýynda alıment tólemegender boıynsha 17 576 qujat boldy. Onyń ishinde 1716 boryshker alımentti múldem tólemegen, dep habarlaıdy qalalyq ákimdiktiń resmı saıty. 

Búgingi kúni 4 053 qujat qaraýdan ɵtti. Onyń 154-i oryndaldy, 925 - ine atqarýshylyq óndiris toqtatyldy, 3000 is óndirip alýshylarǵa oryndalmaı qaıtaryldy. Jeke sot oryndaýshylar qaraýynda 13 523 qujat qaldy. Atqarýshylyq is júrgizý organdarynyń avtomattandyrylǵan júıesine sáıkes 6 692 qujat ýaqytynda oryndalýda, 747 - ýaqytsha toqtatylǵan.

Sonymen qatar, alıment óndirý týraly 1716 atqarýshylyq is júrgizý problemaly bolyp sanalady. Iaǵnı, boryshkerler tıisti alımentterdi múlde tólemeıdi. Taǵy 4368 qujat boıynsha turaqsyz tólem júrgizedi. Qalanyń quqyq qorǵaý organdary kámeletke tolmaǵan balalaryna alıment tóleýden jaltarý ákimshilik jáne qylmystyq jaýapkershilikke ákeletinin eskertedi.

 

Sońǵy jańalyqtar