5 Qarasha, 10:26 327 0 Aımaq Anar LEPESOVA

Jalaqysyn ala almaǵan jambyldyq jumysshylar munaradan sekirmek boldy

Jambyl oblysynda eńbekaqysyn ala almaǵan jumysshylar sý munarasynyń ushar basyna shyǵyp alyp, bas merdigerden jalaqylaryn talap etken. Eger talaby oryndalmaǵan jaǵdaıda bıikten qulaıtynyn aıtqan,  dep habarlaıdy KTK arnasy. 

Bas-aıaǵy bes adam 2 mln 180 myńǵa tapsyrys alǵan. Olar trotýar tósep berýi tıis bolǵan. Alaıda jumystyń aıaqtalýyna jaqyn qalǵanda bas merdiger jumysqa kóńili tolmaıtynyn aıtyp, bárin buzǵyzyp, qaıta isteýdi tapsyrypty.

Ashýǵa býlyqqan jumysshylar kásipkerden osyǵan deıin etken eńbektiń aqysyn berýdi talap etedi. Merdiger oǵan kónbegen. Amaly taýsylaǵan bes adamnyń ekeýi bıik sý munarasyna shyǵyp alǵyp, talaptary oryndalmasa ózderin ólimge qııatynyn aıtqan.

Al bıikke shyǵyp alǵan ekeýdi eshkim tómen túsire almaı áýrege túsken.

Aradaǵy jeti saǵattyq kelissózden keıin bas merdiger mańdaı ter aqysynyń bir bóligin berýge kelisken. Iaǵnı, suralǵan 1 mln 300 myń teńgeniń 800 myń teńgesi qolma-qol qaıtaryldy. Sodan keıin shý kótergender jerge túsken.

Buǵan qatysty pikir bildirgen kásipker jumysshylardyń bul áreketin "bopsalaý" dep otyr. Onyń sózinshe, olar sapasyz qurylys júrgizgen.

«Zańsyz alyp tur, bul bopsalaý bolyp tur. Bizge áli akti kelgen joq. Istelgen jumystaryna endi alyp keledi. Akti bolmaǵandyqtan, biz aqshany tóleı almaımyz. Bulardyń istegen jumysy bar, biraq durys emes. Sondyqtan tehqadaǵalaý qabyldamaı, buzyp tastady», – deıdi bas merdiger Jumaǵul Baımenov.

Sońǵy jańalyqtar