4 Qarasha, 21:31 349 0 Aımaq Anar LEPESOVA

Mánshúk Mámetovanyń Semeı saıabaǵyndaǵy aǵash músini joıyldy

Kópshiliktiń synyna ushyrap, ashýyn týdyrǵan Mánshúk Mámetovanyń aǵash músini Semeıdegi "Jeńis" saıabaǵynan alynyp tastaldy.

Keńes odaǵynyń batyry Mánshúk Mámetovanyń músini aǵashtan oıyp jasalyp, qaladaǵy saıabaqqa qoıylǵan edi. Alaıda bul týyndy áleýmettik jelide qyzý talqyǵa tústi. Jurt músinniń Mánshúk Mámetovaǵa múldem uqsamaıtynyn aıtyp, alyp tastaýdy talap etti.

"Talantty sýretshilerimiz bar emes pe? Olar qaıda? Bul jobalardy kim bekitedi? Deńgeıleri tómen eken", - dep jazdy jeli qoldanýshylary.

Aǵash sheberleri músindi jasaýǵa alty kún ketkenin aıtady. Halyqtyń synyna ushyraǵan músinniń avtory Iýlııa Kýrtýnova men onyń kúıeýi Ivan.

"Bizdi adamdar aqsha qar men mystan kempirdi jasap jatyr dep oılaıdy. Biraq biz Mánshúk Mámetovany jasaýdamyz. Ol – Keńes odaǵy batyry ataǵyn alǵashqy bolyp alǵan qazaq qyzy. Meniń oıymsha, onyń eskertkishi osy jerde bolýy tıis", - deıdi Kýrtýnova Arnapress.kz basylymyna bergen suqbatynda.

Semeı qalasynyń ákimdigi halyqtyń synyna ushyraǵan músindi basqa jerge kóshirmek boldy. Biraq ony múldem joıý kerek degen sheshim qabyldaǵan. Kópshiliktiń ashýyn týdyrǵan skýlptýranyń 3 qarashada joıyldy.

Qala bıligi músindi jasaǵan sheberlermen baılanysty úzýdi josparlap otyrǵan joq.

 

Sońǵy jańalyqtar