4 Qarasha, 15:55 431 0 Áleýmet Anar LEPESOVA

«Samara – Shymkent» tas jolynda 200-ge jýyq kólik qar qursaýynda qaldy

Aqtóbe oblysynyń Yrǵyz aýdanynda kúni-túni qar jaýyp, kólikter jolda qalyp qoıdy. Qazir qutqarý jumystary júrip jatyr, dep habarlaıdy oblystyq TJD baspasóz qyzmeti.

3 qarasha kúni saǵat 18:33-te «Samara – Shymkent» tasjolynyń 1153-1240 shaqyrymy aralyǵynda kólikterdiń qar qursaýynda qalǵany habarlandy. Yrǵyz aýdany Qalybaı aýyly mańynda júk kólikterimen qatar jeńil kólikter turyp qalǵan.

«Shamamen 200-ge jýyq kólik jolda toqtap qalǵan. Onyń 70-i - jeńil kólik bolsa, bireýi - 15 jolaýshysy bar avtobýs. Barlyǵy 125 júk kóligi de bar. Qazir qutqarý jumystary jalǵasyp jatyr», - dep habarlady oblystyq TJD baspasóz qyzmeti.

Aıta keteıik, jolda qalǵandar arasynda ózge eldiń azamattary da bar. Qutqarylǵan adamdar jaqyn mańdaǵy jylytý oryndaryna jetkizilip jatyr. TJD ázirge qutqarý jumystaryna qansha adam jumyldyrylǵanyn aıta almady. Qutqarylǵandar arasynda balalar da bar.

 

Sońǵy jańalyqtar