2 Qarasha, 20:39 385 0 Aımaq Anar LEPESOVA

Voleıboldan jarys kezinde jas muǵalim mert boldy

Pavlodar oblysynda jarys kezinde 25 jastaǵy tarıh pániniń muǵalimi qaıtys boldy, dep habarlaıdy  pavlodarnews.kz.

Qaıǵyly oqıǵa Aqqýly aýdany Maıqaraǵaı aýylynda boldy. Marqumnyń áriptesteriniń sózinshe, pedagog aýdandyq kásipodaq jyl saıyn ótkizetin voleıboldan dástúrli týrnır barysynda kóz jumdy.

«25 jastaǵy Ildar Vahıtov toptyń kóshbasshysy retinde negizgi quramda oınady. Biraq birshama ýaqyttan keıin ózin jaısyz sezindi, qan qysymy kóterilip, qosalqy oıynshylardyń qataryna baryp otyrdy. Týrnırde kezekshilik atqarǵan medıınalyq qyzmetkerler oǵan alǵashqy kómek kórsetti. Alaıda, onyń jaǵdaıy kúrt nasharlaı tústi. Aýyldan aýdandyq aýrýhanaǵa deıin – 100 shaqyrym. Ókinishke qaraı, Ildardy oǵan jetkizip úlgermedik. Bolǵan oqıǵaǵa ókinish bildiremiz. Ol barlyǵymyz úshin dos boldy. Barlyǵymyz úshin bul úlken soqqy», - dedi Jambyl atyndaǵy mekteptiń dırektory Qanat Sultanǵazın.

Jas ustaz otbasyndaǵy jalǵyz bala bolǵan. Artynda jary men bir jasar balasy qaldy. Bıylǵy 10 qarashada Ildar 26 jasqa tolar edi. Onyń tanystarynyń aıtýynsha, bıyl Ildar Vahıtov Pavlodarda medıınalyq tekserýden ótken. Dárigerler búıreginde trombtyń baryn anyqtaǵan.

«Bilýimizshe, oǵan arnaıy em-dom taǵaıyndalǵan. Ol mamandardyń aıtqanyn qatań oryndap, turaqty túrde proedýralarǵa baryp turdy. Shýntırovanıe boıynsha shuǵyl operaııanyń qajeti bolǵan joq. Biraq ol jıi qan qysymynyń joǵarylyǵyna shaǵymdanatyn», - dedi áriptesteri.

 

Sońǵy jańalyqtar