1 Qarasha, 18:20 442 0 Syrtqy saıasat Anar LEPESOVA

Qazaqstannyń Qytaıdaǵy elshisi taǵaıyndaldy

Qazaqstan Prezıdentiniń Jarlyǵymen Ǵabıt Beıbituly Qoıshybaev Qazaqstan Respýblıkasynyń Qytaı Halyq Respýblıkasyndaǵy Tótenshe jáne Ókiletti Elshisi qyzmetine taǵaıyndaldy, dep habarlaıdy Aqorda.

Ǵabıt Beıbituly Qoıshybaev 1972 jylǵy 12 naýryzda Almaty qalasynda dúnıege kelgen. Ál-Farabı atyndaǵy Qazaq Memlekettik Ulttyq ýnıversıtetin (1994 j.), QR SIM Dıplomatııalyq akademııasyn (1999 j.) támamdaǵan.

Eńbek jolyn 1994 jyly QR SIM Ortalyq apparatynda bastap, sol jyly Qazaqstannyń Úrimji qalasyndaǵy (QHR) Pasporttyq-vızalyq qyzmetine issaparǵa joldandy.

1999-2007 jyldar aralyǵynda Qazaqstannyń Úrimji qalasyndaǵy (QHR) Pasporttyq-vızalyq qyzmetinde, Qazaqstan Respýblıkasynyń Qytaı Halyq Respýblıkasyndaǵy Elshiliginde túrli dıplomatııalyq laýazymdarda jumysta boldy. 2007-2009 jyldary QR SIM Azııa jáne Afrıka elderi departamentinde birqatar jaýapty laýazymdarda qyzmet atqardy.

2009-2011 jyldary Qazaqstannyń Qytaıdaǵy Elshiliginiń keńesshisi, keńesshi-ýákili bolyp, 2011-2014 jyldary Qazaqstannyń Shanhaı qalasyndaǵy (QHR) Bas konsýly laýazymynda qyzmet atqardy. 2014-2016 jyldary QR SIM Konsýldyq qyzmet departamenti dırektorynyń orynbasary, Jalpyazııalyq yntymaqtastyq departamenti dırektorynyń orynbasary qyzmetterinde boldy.

Qazaqstan Respýblıkasynyń Qytaı Halyq Respýblıkasyndaǵy Elshisi laýazymyna taǵaıyndalǵanǵa deıin QR Prezıdenti Ákimshiliginiń Syrtqy saıasat jáne halyqaralyq baılanystar bólimi meńgerýshisiniń orynbasary qyzmetin atqaryp keldi.

II synypty Tótenshe jáne Ókiletti Ýákil dıplomatııalyq dárejesi bar. Qytaı jáne aǵylshyn tilderin meńgergen.

Sońǵy jańalyqtar