1 Qarasha, 18:15 470 0 Saıasat Anar LEPESOVA

Asqar Mamın Shavkat Mırzıeevpen kezdesti

 Tashkent qalasynda QR Premer-Mınıstri Asqar Mamın Ózbekstan Prezıdenti Shavkat Mırzıeevpen kezdesti, dep habarlaıdy Úkimet basshysynyń baspasóz qyzmeti.

«QR Tuńǵysh Prezıdenti – Elbasy Nursultan Nazarbaev Sizben birge Qazaqstan men Ózbekstan arasyndaǵy ekijaqty qatynastardy strategııalyq yntymaqtastyqtyń jańa deńgeıine shyǵarýǵa negiz saldy. Memleket basshysy Qasym-Jomart Toqaev syrtqy saıasattyń sabaqtastyǵyn saqtaıdy jáne ekijaqty yntymaqtastyqty nyǵaıtýǵa erekshe nazar aýdarady», — dedi A. Mamın.

Úkimet basshysy búginde Qazaqstan–Ózbekstan qarym-qatynasy yntymaqtastyqtyń sapaly joǵary deńgeıine shyqqanyn atap ótti. Muny barlyq derlik deńgeılerdegi ózara árekettesý qarqyny dáleldeıdi.

Kelissózder barysynda saýda-ekonomıkalyq, ınvestıııalyq, energetıkalyq, tranzıttik-kólik, qurylys, toqyma, avtomobıl jasaý, mádenı-gýmanıtarlyq, týrıstik jáne basqa da salalardaǵy yntymaqtastyqty odan ári damytý boıynsha keń aýqymdy máseleler talqylandy.

2019 jylǵy 9 aıdyń qorytyndysy boıynsha QR men ÓR arasyndaǵy ózara saýda-sattyq 25%-ǵa $2,6 mlrd deıin ósti. Aldaǵy jyldary taýar aınalymyn $5 mlrd deıin jetkizý josparda bar.

Erteń QR Premer-Mınıstri Asqar Mamın Shanhaı Yntymaqtastyq Uıymyna (ShYU) múshe memleketterdiń Úkimet basshylary keńesiniń (ÚBK) otyrysyna qatysady.

Sońǵy jańalyqtar