1 Qarasha, 13:06 421 0 Qaýipsizdik Anar LEPESOVA

Telefon nómirin tirkemeýdiń saldary qandaı?

Aqparat jáne qoǵamdyq damý mınıstri Dáýren Abaev qazaqstandyqtardyń uıaly telefon nómirin tirkemeý qandaı jaǵdaıǵa ákep soǵatynyn túsindirdi. 

Abaevtyń aıtýynsha, telefon nómiri birneshe sandardyń jıyntyǵy ǵana emes, ol da jeke úı nemese kólik syndy múlik. Mınıstr nómir tólemaqy jasaý, aqsha aýdarý jáne memlekettik qyzmetterdi qoldanýǵa múmkindik beretin negizgi qural ekenin eskertti.

Sonymen qatar, nómir jeke bas qaýipsizdigine tikeleı qatysy bar zat ekendigin umytpaǵan jón. Mysaly, sizdiń nómirińiz basqa bireýdiń atynda bolsa, ol adam sizdiń jeke málimeterińizge, jeke shottaǵy aqshańyzǵa qol suǵyp qana qoımaı, baılanys nómerińizdi isten shyǵaryp tastaýy da múmkin.
Al mundaı jaǵdaıdy boldyrmas úshin, 15 mınýt ýaqytyńyzdy ǵana qurtyp, nómirińizdi óz atyńyzǵa tirkeseńiz bolǵany.

Taǵy bir aıta keterlik jaıt, turǵyndardyń óz atyna birneshe nómirdi tirkelip turǵanyna mán bermeýi olardyń salǵyrttyǵyn anyqtaıdy. Mysaly, nómirlerdi qoldanýshylardyń biri alaıaq nemese telefon qaraqshysy bolyp qalsa, suraý nómirdiń ıesine túsedi.

Eń qyzyǵy, keıbir qazaqstandyqtar óz atyna tirkelgen nómirlerdi tekserý barysynda, birneshe nómirdiń ıesi ekendigin anyqtaǵan.

Sońǵy jańalyqtar