1 Qarasha, 12:57 386 0 Qaýipsizdik Anar LEPESOVA

Esirtki saýdasymen aınalysatyn 5 myń saıt buǵattaldy

Elimizde jyl basynan beri esirtki zattaryn jarnamalaıtyn 5 myń saıttyń jumysy toqtatyldy. Bul týraly QR IIM  Esirtki qylmysyna qarsy is-qımyl departamentiniń bastyǵy Tilegen Matkenov vedomstvoda ótken baspasóz máslıhatynda málimdedi. 

«Esirtki qylmysyna qatysty jahandyq trend – kanabıs pen geroındi esirtkiniń sıntetıkalyq túrimen aralastyrý bolyp tur. Esirtkini zamanǵa saı ádistermen taratý qyzyp turǵanyn aıta ketý kerek. Atap aıtqanda, ótkizýshiler ınternet-tehnologııalardyń búkil áleýetin paıdalanýda. Saıttar men áleýmettik jeliler, Instagram, Telegram, Feısbýk, sonymen birge Kkıvı-ámııan, Iandeks olardyń quralyna aınalǵan. Jyl basynan beri IIM 5 myń saıtty anyqtalyp, buǵattaldy. Halyqtyń, Úkimettik emes uıymdardyń ókilderiniń qatysýymen esirtki satylatyn saıttarǵa silteme jasaıtyn myńnan asa grafıtı-sýret joıyldy», - dedi departament bastyǵy.

Onyń aıtýynsha, respýblıkadaǵy esirtkige qatysty ahýalǵa aýqymdy deńgeıde Shýdaǵy shıkizattyq baza áser etedi. «Esirtkiniń eldiń aýmaǵyndaǵy taralýyna jol bermeý úshin biz jyl saıyn «Kóknar» operaııasyn ótkizemiz. Bıyl operaııa barysynda 898 esirtkige qatysty qylmys anyqtaldy. Onyń 411-i ótkizýmen baılanysty bolsa, 156 jaǵdaıy asa iri kólemde saqtaýmen baılanysty bolǵan. 17 tonna esirtki túrleri tárkilendi», - dedi ol.

 

Sońǵy jańalyqtar