27 Naýryz 2015, 09:15 4247 0 Ekonomıka Erkejan JUMATAI

Sáýirden bastap avtonesıeler 6 paıyzben berilmek

Bıyl sáýirden bastap elimizde avtokólikti nesıeleý keminde 10 paıyzǵa arzandamaq. Ol úshin otandyq kólik qurastyrýshylardy qoldaýǵa Úkimet 20 mıllıard teńge bólmek. Onyń 15 mıllıardy nesıeleý salasyna baǵyttalǵan, dep habarlaıdy Ult kz Almaty arnasyna silteme jasap. Qomaqty qarjy, aldymen, jeke tulǵalarǵa arnalǵan nesıeni tómen paıyzben berýge baǵyttalady. Paıyzdyq kórsetkish 4-6 paıyz deńgeıinde dep josparlanǵan.

«Soltústigimizdegi kórshi eldegi avtokólik baǵasy arzan. Sondyqtan suranys ta sol jaqta. Al Úkimettiń otandyq kólik qurastyrýshylarǵa sýbsıdııa bólýi aıtarlyqtaı qoldaý bolmaq. Biraq eki eldegi kóliktiń baǵasynda báribir kóp aıyrmashylyq bar. Tipten baǵalar uqsas boldy degennniń ózine avtokólik nesıege alynǵandyqtan, tutynýshy báribir kóp aqsha tóleıdi»,- deıdi Qazaqstandaǵy Táýelsiz Avtobıznes odaǵynyń basqarma tóraǵasy Pavel KIM. Elimizde byltyr 37 myń jeńil kólik qurastyrylsa, kommerııalyq maqsatta shyǵarylǵan kólikterdiń sany 2 jarym myń.

Esesine, qınala qurastyrylǵan kólikterdi satý eki esege deıin qysqaryp ketken. Óıtkeni 3-4 aıda Reseıden 50 myńnan astam kólik kirgizilgen. Bul bizdiń ishki ónimnen 20 paıyzǵa joǵary. Al, elimizde ortasha kórsetkishpen alǵanda bir jeńil mashınany qurastyrýǵa 10 myń dollar kóleminde qarjy jumsalady eken. «Tarıftik paıyz Qazaqstanda tómen bolady dep eseptegenniń ózinde bizdegi baǵa Reseıden joǵary bolady. Tutynýshy aldymen osyny esepteıdi. Biraq rýbl turaqtana bastasa, Reseıde kólik qymbattamaq. Ol jaqta qazirdiń ózinde baǵa turaqtana bastady»,- deıdi avtomobıl holdınginiń dırektory Maqsat Meıirmanov. Arnaıy dıllerlerdiń málimetinshe, ótken jyly 163 myń jeńil kólik ımporttalǵan. Al otandyq mashına qurystyrýshylardy qoldaýǵa bólingen qarjy bul kórsetkishti 110 myńǵa deıin tómendetedi dep esepteıdi.

Sáýir aıynan bastalatyn jańa nesıeleýde avtomobılderdiń jyldyq paıyzy 7 jarym paıyzdan joǵary bolmaýy tıis. Biraq Reseıdegi mashına baǵasy arzandaǵanda tutynýshylarynan aıyrylmaý úshin bizdiń kompanııalar «nesıeni arzandattyq» dep buǵan deıin de jar salǵan edi. Biraq olar áý bastaǵy qymbat kóliktiń qunyn sál túsirgenimen, bank arqyly nesıeleýdi 25-30 paıyzǵa deıin kóterip, halyqtyń qaltasynan sondyq shyǵyn shyqqan bolatyn. Endi bul másele de óz sheshimin taýyp avtonesıler aıtarlyqtaı arzandamaq. QR Ulttyq ekonomıka mınıstri Erbolat Dosaev keltirgen málimetke súıensek, nebári 6 paıyzdyq mólshermen jańa kólik alýǵa múmkindik týmaq.

«Ótken jyldyń sońǵy 2 aıynda Reseı rýbliniń devalvaııasynan keıin Qazaqstanǵa Reseıden 50 myńǵa jýyq kólik alyp kelindi. Memleket basshysy úkimet otyrysynda muny quptasa da, ol kólikter eýro-2, eýro-5 standarttarǵa səıkestendirilip, tehnıkalyq reglamentpen ótýi kerek dedi. Prezıdenttiń tapsyrmasymen Ulttyq qordan bólinip jatqan 5 mlrd teńge laboratorııalyq bazany óńdeýge bólinip otyr. Sonymen qatar, aldynda aıtqanymdaı, ózimizdiń kólik shyǵaratyn eki zaýytymyzǵa 20 mlrd teńge bólinip jatyr.

Bul qarajat birinshiden ekinshi deńgeıli bankter arqyly 6 paıyzdyq mólshermen jańa avtonesıeler beremiz jáne lızıngpen alatyndarǵa nesıe 4 paıyzben beriletin bolady»,- dedi Dosaev. Sóıtip, temir tulpar tizgindeýge nıetti qaýymnyń qarasy qalyndamaq. Uzynqulaqtar Eýrazııalyq odaqqa Qyrǵyzstan kirgen jaǵdaıda, avtokóliktiń baǵasy tipten aızandaıdy dep joramaldap otyr. Qalaı bolǵan kúnde de, aldaǵy maýsymda birshama qazaqstandyq temir tulpardyń ıesi atanýy bekmúmkin.

Sońǵy jańalyqtar