24 Qazan, 10:49 365 0 Saıasat Túrkistan Gazeti

Artýr Platonov: Qazaqstanda «qos bılik» uǵymy joq

Májilis depýtaty Artýr Platonov «bıliktiń aýysýy kez-kelgen memleket úshin mańyzdy sát» dep pikir bildirdi. «Qazir álemde túsiniksiz jáne qıyn jaǵdaılar jıi oryn alýda. Tipti onyń saldarynan qoǵamdaǵy jazyqsyz adamdar japa shegýde. Túsinispeýshilik sebebinen jerinen, táýelsizdiginen aıyrylyp qalǵandar bar.

Sondyqtan da bizdiń elde bıliktiń aýysýyndaǵy tynyshtyq pen sabyrlyqty ózge elder úlgi etýine bolady. Kez kelgen memleket úshin jaýapty jáne tarıhı osy sátte tıisti saıasatty júrgizý mańyzdy. Memlekettegi birlik pen yntymaq, son­daı-aq el halqynyń múddesi úshin táýelsiz saıa­sattyń júrgizilýi keıbireýlerine unamaýy múmkin», – dep Artýr Platonov pikir bildirdi. Depýtat onan ózge «Qos bılik» dep qoǵamda talqylanǵan jaıǵa qarsy túsinik berdi. «Qos bılik degen ne? Bul jaǵdaı bir adam eldi bir jaqqa, al ekinshisi basqa jaqqa tartqan kezde oryn alady. Eger de Qasym-Jomart Kemel­uly­nyń saılaýaldy uranyn eske alsaq, onda birinshi pýnkt sabaqtastyqqa qatysty. Biz saıasatta barlyq strategııalyq ári áleý­met­tik baǵdarlamalarda júıeli múltiksiz ba­ǵytty kórip turmyz. Iaǵnı, syrtqy já­ne ishki saıasatqa, adamdar ál-aýqatynyń ary qaraı ósimine qatysty kózqarasta to­lyqtaı yntymaq pen birlik qalyp­tas­qan. Bul óz kezeginde saıasattyń negizi», – dedi A.Platonov Parlament Májilisinde tilshiler saýalyna jaýap bere otyryp.

Sońǵy jańalyqtar