23 Qazan, 10:49 404 0 Zań Anar LEPESOVA

235 myń teńge: Salyq tólemegen depýtattardyń kóshin Bojko bastap tur

Sý jańa qyzmettik kólik minip júrip, mıllıon teńgege jýyq jalaqy alyp júrse de, múlik salyǵyn tólemeı, boryshkerler tizimine ilingenderdiń ishinde depýtattar da bar bolyp shyqty. Májilismender birinshi qazanda aıaqtalatyn qarjylyq mindettemesin umytyp ketken sııaqty, dep habarlaıdy  31 arna.

Salyq tólemeı júrgenderdiń jalpy sany elimizde 800 myńnan asady eken. Al, bıylǵy qazanda aıaqtalǵan shekti merziminen keshikkenderdiń tizimine depýtattardyń bar ekenin Jamılá Marıcheva esimdi jýrnalıst áleýmettik jelide jarııalaǵan bolatyn. Onyń jazýynsha, eń qomaqty boryshker - májilis spıkeriniń orynbasary Vladımır Bojko.

Sońǵy ýaqytta kóp synǵa ushyrap júrgen depýtattyń tólenbegen salyǵy eki júz otyz bes myń teńgege jýyq eken. Atyraý oblysynyń ákimi bolǵan Baqtyqoja Izmuhambetov ta júz qyryq jeti myń teńgeni ýaqytyndatóleýdi umytyp ketken sııaqty. Kommýnıster frakııasynyń serkesi Aıqyn Qońyrov ta júz toǵyz myń teńge salyǵyn tólemedi dep tizimde tur. Aqjol partııasynyń atynan prezıdenttikke úmitker bolǵan Dánııa Espaeva da boryshkerler qatarynda boldy. Artynan májilismenderdiń bári memleket aldyndaǵy qaryzynan qutyldy degen aqparat taraldy.

«Salyq kommıtetinen mynansha teńgelik boryshy bar dep qaǵaz kelýi kerek edi. Biraq ta, ol qaǵaz kelgen joq. Múmkin, men buny salyq organynyń portalynan qaraýym qajet shyǵar, alaıda qaǵaz kelmegen soń men de oǵan mán bermedim. Boryshymdy keshe tóledim, onda turǵan eshnarse joq» -dedi QR Parlamenti Májilisiniń depýtaty Dánııa Espaeva jýrnalıstke bergen suhbatynda.

Sońǵy jańalyqtar