22 Qazan, 10:06 412 0 Áleýmet Anar LEPESOVA

SIM-karta satatyn saýda núkteleri jappaı tekseriledi

Azamattardan túsken shaǵymnyń negizinde Nur-Sultan qalasyndaǵy SIM-karta satatyn saýda núktelerinde jospardan tys tekserý jumystary bastalady, dep habarlaıdy  QR ıfrlyq damý, ınnovaııalar jáne aeroǵarysh ónerkásibi mınıstrliginiń telekommýnıkaııalar komıteti. 

Komıtettiń habarlaýynsha, ózge azamattarǵa tirkelgen SIM-kartalardy satý týraly qazaqstandyqtardyń shaǵymdary negizinde Nur-Sultan qalasyndaǵy saýda núktelerine jospardan tys tekserýler júrgizýge bastamashylyq etti. Telekommýnıkaııalar komıtetiniń tóraǵasy Vıtalıı Iaroshenkonyń aıtýynsha, aldyn ala basqa azamattardyń atyna tirkelgen SIM-kartalardy satý uıaly baılanys qyzmetterin kórsetý erejelerin buzýmen qatar, satyp alýshyǵa qaýip tóndirýi múmkin.

«Eger azamat SIM-kartany satyp alsa jáne satýshy oǵan nómirdi tirkeýdi usynbasa, bul nómirdiń basqa bireýdiń atyna tirkelgenin bildiredi. Jáne nómirdiń ıesi ony kez kelgen ýaqytta ajyratyp tastaýy múmkin ekenin túsiný qajet», – deıdi V.Iaroshenko.

Júrgizilgen tekserýlerdiń nátıjesinde uıaly baılanys qyzmetterin kórsetýge kelisimshart jasamaı SIM-kartalardy satý faktileri rastalsa, dılerlerge 100 AEK deıin aıyppul salynady. 2019 jylǵy 1 qańtarda Qazaqstanda abonenttik qurylǵylardy tirkeý aıaqtaldy. Qazirgi ýaqytta qoldanystaǵy barlyq mobıldi telefondar SIM-karta ıesiniń JSN-yna tirkelgen. 2018 jyly SMS habarlama joldaý arqyly tirkelmegen uıaly baılanys qurylǵylary (2019 jylǵy 1 qańtarda) telefondaǵy SIM-kartaǵa baılanyp, avtomatty túrde tirkeldi.

Sońǵy jańalyqtar