21 Qazan, 21:59 367 0 Saıasat Anar LEPESOVA

Memleket basshysy Jaqyp Asanovty qabyldady

Memleket basshysy Joǵarǵy Sot tóraǵasy Jaqyp Asanovty qabyldady, dep habarlady Aqordanyń baspasóz qyzmeti.

Qazaqstan Prezıdentine bıylǵy 9 aı ishindegi Joǵarǵy Sot qyzmetiniń qorytyndylary men sot júıesin jetildirý boıynsha júrgizilgen jumystar jóninde málimet berildi. 

"Qasym-Jomart Toqaevqa sýdıalardy irikteý júıesin jaqsartý, birińǵaı sot tájirıbesin qamtamasyz etý, sot tóreligin jańǵyrtý, sonyń ishinde sottan tys tatýlasý ortalyqtaryn qurý, otbasy sottary men front-ofıster jaıynda atqarylǵan sharalar týraly baıandaldy", - delingen taratylǵan habarlamada. Memleket basshysy halyqtyń sot jumysyna degen senimin arttyrý, azamattardyń ótinish-shaǵymdaryn ádil qaraý, shyǵarylatyn sot sheshimderiniń sapasyn jaqsartý qajettigin aıtty. 

Prezıdent sýdıalardyń júktemesin azaıtý jáne sot sheshimderiniń sapasyna keri áser etetin olarǵa qatysy joq isterden bosatý jóninde sharalar qabyldaýdy tapsyrdy, sondaı-aq, sýdıalar korpýsynyń quzyrettiligin arttyrý jumystaryn jalǵastyrýdyń mańyzdylyǵyna nazar aýdardy. 

Sońǵy jańalyqtar