21 Qazan, 21:56 379 0 Áleýmet Anar LEPESOVA

Almatyda №92 baǵyttaǵy avtobýstar tolyq jańardy

Qala turǵyndarynyń kóptegen ótinishteri boıynsha №92 baǵyt 12 metrli 20 jańa avtobýstarmen tolyqty. 100%-ǵa jańarǵan jyljymaly sostav qala kóshelerine shyqty. Bul týraly qala ákimdigi habarlady.

Barlyq kólikter tómen edendi, syıymdylyǵy úlken ári qala jolaýshylaryn tasymaldaý úshin arnaıy jasalǵan. Avtobýstar tabıǵı gazben júredi, kondııoner jáne vıdeobaqylaý ornatylǵan. Syıymdylyǵy - 104 adam, otyratyn 22 oryn jáne qımyly shekteýli jandar úshin 3 oryn bar.

Budan ózge, №92 baǵyt qala ortalyǵyna qatynaý úshin Túrksib, Almaly jáne Áýezov aýdan turǵyndary úshin yńǵaıly, sońǵy aıaldamasy bolyp "Halyqaralyq Almaty áýejaıy" belgilendi.

Sońǵy jańalyqtar