21 Qazan, 13:01 352 0 Bilim Anar LEPESOVA

Qazaqstandyq mektepter 12 jyldyq bilim berýge qashan kóshedi?

12 jyldyq bilim júıesine kóshý mektepterge úlken salmaq salady. Sondyqtan asyǵys sheshim jaǵdaıdy ýshyqtyrýy múmkin. 2021 jyldan bastap mektepter on eki jyldyq bilim berý júıesine kóshedi. Bul týraly búgin bilim jáne ǵylym mınıstri Ashat Aımaǵambetov aıtty. 

"On eki jyldyq bilimge 2021 jyly kóshýdi josparlap otyrmyz", - dedi Aımaǵambetov májilistegi úkimet saǵatynda.

12 jyldyq bilim berý júıesi 1-11 synyptar jańartylǵan mazmundaǵy baǵdarlama men jańa baǵalaý júıesine tolyǵymen kóshkennen keıin engiziledi.

"Eger asyǵys sheshim qabyldap, oılanbastan áreket etsek, jaǵdaıdy ýshyqtyryp alýymyz múmkin. Sebebi on eki jyldyq bilim júıesine kóshý mektepterdiń ınfraqurylymyna úlken salmaq salady. Budan bólek, muǵalimder daıarlaý men jańa oqýlyqtar shyǵarýdy talap etedi. Onyń ústine elimizde úsh aýysymdy mektepter de az emes", - dedi mınıstr.

Aıtýynsha, jańartylǵan baǵdarlamalar 2015 jyly bekitilgen. Tıisinshe, qazir barlyq synyptyń 95 proenti jańartylǵan mazmunǵa kóshti. Al kelesi jyly on birinshi synyptar aýysady dep josparlanýda.

Sońǵy jańalyqtar