21 Qazan, 12:42 351 0 Ekonomıka Anar LEPESOVA

Qazaqstanǵa jyl basynan 25 myń tonna shaı men kofe ımporttalǵan

Qazaqstanda shaı baǵasy jyl ishinde 6%-ǵa qymbattaǵanymen, ishki naryqta shaıdyń satylymy 1,5 %-ǵa artyp otyr, dep habarlaıdy Energyprom.kz.

Qazaqstanda qaıta óńdelgen shaı men kofe óndirisi kórsetkishi tómendep keledi. Bıylǵy qańtar-qyrkúıek aılarynda Qazaqstanda 11,5 myń tonna shaı men kofe óndirilgen. Bul ótken jyldyń sáıkes kezeńimen salystyrǵanda 10,4%-ǵa tómen.

7 aıda ımporttalǵan kofe men shaı 25 myń tonnaǵa teń. Ózindik óndiris suranystyń 26,3% ǵana qanaǵattandyrdy. Ishki naryqta shaı men kofeniń satylymy 93,7%, nemese 31,8 myń tonna. Bul ótken jylǵy kórsetkishten 1,5% joǵary.   Satylym kórsetkishiniń artýy baǵanyń qymbattaýymen qatar keldi. Bıylǵy jyldyń qyrkúıek aıynda qara shaıdyń baǵasy 5,8% qymbattap, kelisi 3054,8 teńgege jetti.

Shaı baǵasynyń qymbattaýy boıynsha Almaty qalasy aldyńǵy orynda tur. Onda shaı baǵasy 3390 teńge, al Qostanaıda 3282 teńge boldy. Qazaqstanǵa negizinen shaı Kenııadan (9 myń tonna), Úndistannan (7,1 myń tonna) jáne Reseıden (2,4 myń tonna) jetkiziledi.

 

Sońǵy jańalyqtar