20 Qazan, 20:32 486 0 Ádebıet Anar LEPESOVA

Marfýǵa Aıtqojınanyń shyǵarmashylyq keshi ótti

Atyraýda aqyn, memlekettik syılyqtyń laýreaty, Qazaqstannyń eńbek sińirgen qaıratkeri Marfýǵa Aıtqojınanyń shyǵarmashylyq keshi ótti. «Aqqý - aqyn» atty keshke Atyraý oblysynyń ákimi Nurlan Noǵaev arnaıy kelip qatysty. 

«Óńirimizde «Rýhanı jańǵyrý« baǵdarlamasy aıasynda aqyn-jazýshylardyń shyǵarmashylyq keshteri ótip keledi. Búginde sol úrdis jalǵasyn taýyp, Marfýǵa Aıtqojınanyń keshi ótýde. Marfýǵa apamyzdyń óleńderi ár oqyrmannyń júreginen oryn taba bildi. Sizdiń ár óleńińizde salmaqtylyq, tereń maǵyna bar. Sizdiń qazaq jurtyna arnaıtyn óleńderińiz áli de shyǵatynyna senimdimin. Qalamyńyz muqalmasyn! Búgingi keshińiz qutty bolsyn», - dedi Nurlan Noǵaev.

Jyr keshinde sahnadan aqynnyń óleńderi oqylyp, Atyraý qalasynyń turǵyndaryna arnap jazǵan «Qalaısyńdar, baýyrlar» atty áni oryndaldy. Sonymen birge, aqynnyń sózi jazylǵan basqa da ánder shyrqaldy.

«Búgingi shyǵarmashylyq keshti uıymdastyryp otyrǵan Atyraý oblysynyń ákimdigine alǵysymdy bildiremin. Atyraý óńirinde óz shyǵarmashylyq keshimdi alǵash ótkizip turmyn. Keshti tamashalaýǵa kelgen árbir kórermenge, búkil Atyraý jurtyna alǵysym sheksiz», - dedi Marfýǵa Aıtqojına.

 

Sońǵy jańalyqtar