19 Qazan, 14:02 479 0 Ádebıet Ásel ÁNÝARBEK

Eki birdeı kitaptyń tusaýy kesildi

Búgin elorda tórindegi QR Ulttyq akademııalyq kitaphanasynda alashtanýshy-ǵalym, L.N.Gýmılev atyndaǵy Eýrazııa ulttyq ýnıversıtetiniń professory Saq Qaırat Ómirbaıuly oqyrman nazaryna eki birdeı týyndysyn usyndy. “Alash kósemsózi: sharýashylyq máselesi” jáne “Elý degen bir beles” dep atalatyn qos kitaptyń tanystyrylymyna belgili ǵalymdar, qaıratkerler, ustazdar qaýymy, professorlar jáne Qaırat Ómirbaıulynyń shákirtteri qatysty.

Tusaýkeser rásiminiń basynda avtordyń shákirtteri daıyndaǵan beınematerıal kórsetilip, Qaırat Ómirbaıulynyń shyǵarmashylyq joly jaıynda mańyzdy derekter usynyldy.

Jıynǵa qatysýshylar Qaırat Ómirbaıulynyń jańa týyndylaryn jáne avtordyń jalpy shyǵarmashylyǵyn asa joǵary baǵalaıtynyn jetkizdi.
“Alash kósemsózi: sharýashylyq máselesi” jınaǵy – QR Joǵary ǵylymı tehnıkalyq Keńesi bekitken «Eldiń ıntellektik áleýeti» baǵdarlamasy negizinde júzege asyrylǵan «Alash kósemsózi – el ıntellektisin kóterýdiń qaınar kózi» atty ǵylymı jobany oryndaý barysynda ázirlengen “Alash kósemsózi” kóptomdyǵynyń IV tomy.
Atalǵan ǵylymı joba aıasynda buǵan deıin kóptomdyqtyń “Alash kósemsózi: jer máselesi”, “Alash kósemsózi: til máselesi” jáne “Alash kósemsózi: din máselesi” dep atalatyn I, II jáne III tomdary jaryq kórip, ǵylymı aınalymǵa engizilgen bolatyn.
Eske sala keteıik, ǵylymı jobany oryndaý barysynda kóptomdyqtyń josparlanǵan barlyq bes (5) tomy ázirlendi, aldaǵy ýaqytta “Alash kósemsózi: bilim-ǵylym jáne mádenıet máselesi” atty V tomynyń jaryqqa shyǵýy kútilýde.
Tanystyrylym barysynda ǵylymı jınaq alashtanýshy, ǵalym-professorlardyń talqysyna usynylyp, eńbektiń teorııalyq jáne tájirıbelik qundylyǵy zerdelenedi.
Sonymen qatar, kópshilik nazaryna “Elý degen bir beles” jınaǵy usynylady. Atalǵan eńbekke ulaǵatty ustaz, ǵalym, mádenıet qaıratkeri Qaırat Ómirbaıulynyń qazaq rýhanııaty men ult jýrnalıstıkasyna sińirgen súbeli eńbekteri men shyǵarmashylyq jetistikteri týraly zııaly qaýym ókilderi, áriptesteri, dostary men shákirtteriniń shynaıy lebizderi men aqjarma tilekteri toptastyrylǵan.

Sońǵy jańalyqtar