19 Qazan, 15:52 411 0 Áleýmet Anar LEPESOVA

Bastaýysh synyp oqýshylary tegin ystyq tamaqpen tolyq qamtylady

Pavlodar oblysynda bastaýysh synyp oqýshylary tegin ystyq tamaqpen tolyq qamtylmaq. Oǵan bıýdjetten qarjy qarastyrylyp, demeýshiler men ınvestorlar tartylady. Bul týraly Pavlodar oblysynyń ákimi Bolat Baqaýov mektepterdiń qamqorshylyq keńes múshelerimen bolǵan kezdesýde málimdedi.

Oblys ákimi atalǵan kezdesý qarsańynda Instagram-daǵy paraqshasyna jazba qaldyryp, jergilikti turǵyndardan mektepterge qatysty ózekti máselelerdi búkpesiz aıtýdy suraǵan edi. Bolat Baqaýov qamqorshylyq keńesterimen ótkizilgen kezdesýdi de óz atyna kelip túsken shaǵymdar men usynystardan bastady.

«Maǵan búgingi jıynnyń ótkizilý tártibi berilgen eken. Onda bilim basqarmasynyń baıandamasy, tipti maǵan qoıylatyn suraqtar da jazylǵan. Biraq, men atalǵan tártipti ustanǵym kelip turǵan joq. Sondyqtan, Instagram-daǵy jazbamnyń astyna qaldyrylǵan kommentarıılerden bastaǵym keledi. Maǵan 350-den astam kommentarıı kelip tústi. Onyń basym bóligi shaǵymdar men usynystar. Shaǵymdar men usynystar negizinen partalardy jańartý, kabınetterdiń terezelerin aýystyrý, jumys istemeı turǵan mektep basseınderin qalpyna keltirý jáne oqý oryndarynyń jalpy abattandyrý sekildi ózekti máselelerdi qamtıdy», – dedi Bolat Baqaýov.

Kóptegen ata-ana mekteptegi tamaq sapasyna qatysty másele kóteripti.

Tamaq sapasyna qatysty másele qamqorshylyq keńesterimen birlesip sheshiletin boldy. Ákim jaqyn ýaqytta oblys boıynsha 1-4 synyp oqýshylaryn tegin ystyq tamaqpen qamtamasyz etýge ýáde berdi. Sondaı-aq ol ata-analar qaýymdastyǵynan tamaqtyń sapasyn qadaǵalap otyrýdy surady. Salmaqtyń bárin bıýdjetke artpaı, jergilikti jerlerdegi ınvestorlar men meenattar da bul iske atsalyspaq.

Sonymen qatar, ákim mektepterdiń mańyndaǵy zańsyz turaqtar máselesin sheshýdi qolǵa alatynyn aıtty. Máselen, Pavlodar qalasyndaǵy №19 orta mekteptiń mańynan kólikter arylmaıdy. Mektep turaǵynda kólikter qaptap turady. Óıtkeni, oqý ornynyń jańynda Halyqqa qyzmet kórsetý ortalyǵy ornalasqan.

«Polıııa qyzmetkerlerinen oblysqa qarasty úsh qaladaǵy barlyq mekteptiń avtoturaqtaryn retke keltirýdi suraımyn. Olar bul jumysty týra erteń bastaıdy», – dedi aımaq basshysy.

Kópshilikti tolǵandyrǵan taǵy bir másele – 15 jastaǵy mektep oqýshylarynyń qoǵamdyq kólikterde jeńildikpen júrýi. Óńirde paradoksaldy jaǵdaı qalyptasyp otyr.

Kolledjderdiń birinshi-ekinshi kýrs stýdentteri avtobýstar men tramvaılarda jol aqysyn 50 paıyzdyq jeńildikpen tóleıdi. Al dál solardyń qurdastary, ıaǵnı mekteptiń joǵary synyp oqýshylaryna mundaı jeńildik qarastyrylmaǵan.

«Stýdentterge jeńildik qarastyrý týraly sheshim qabyldaǵan kezde mektepterdiń joǵary synyp oqýshylary qaperge alynbaǵan. Bul máseleni mindetti túrde qarastyratyn bolamyz», – dedi Bolat Baqaýov.

Ákim qamqorshylyq keńesterin tyńǵylyqty jumys isteýge shaqyrdy. Sondaı-aq ol keńester mektepterdiń basty baqylaýshysy ári kómekshisi ekenin eskertti. Ata-analar mundaı kezdesýlerdi jıi ótkizip turýdy surady. Bolat Baqaýov kelisim berdi.

Sońǵy jańalyqtar