18 Qazan, 11:02 377 0 Áleýmet Anar LEPESOVA

Kópbalaly úılerge ys ıisin anyqtaıtyn qurylǵy ornatylýda

Kókshetaýda kópbalaly otbasylar turatyn jeke úılerge ys ıisin anyqtaıtyn sensor qurylǵy ornatylýda, dep habarlaıdy óńirlik TJD baspasóz qyzmeti.

Vedomstvonyń málimetinshe, 15 tamyzdan bastap, búginge deıin Kókshetaý qalasynda órt qaýipsizdigi qamtamasyz etý boıynsha aldyn alý sharasy ótkizilip jatyr.

«TJD Órt sóndirý jáne apatty-qutqarý jumystary qyzmeti men Kókshetaý qalalyq TJB qyzmetkerleri birlesip, jeke turǵyn úılerdiń aralaýda. Birinshi kezekte ys ıisin anyqtaıtyn datchıkterdi kópbalaly, az qamtylǵan otbasylarǵa jáne múmkindigi shekteýli jandardyń úılerine ornatylýda. Sondaı-aq, olarmen órt qaýipsizdigin saqtaý týraly túsindirý jumystary júrgiziledi», - deıdi vedomstvonyń baspasóz qyzmetindegiler.

Aıta ketý kerek, Kókshetaý qalalyq Tótenshe jaǵdaılar basqarmasynyń deregi boıynsha jylý maýsymy kezinde adam ólimi negizinen peshten, ys tıýden bolady. Osyndaı tótenshe jaǵdaılardy boldyrmaý maqsatynda 2018-2019 jyldary áleýmettik jaǵynan az qamtylǵan otbasylar turatyn jeke turǵyn úılerge ys ıisin anyqtaıtyn 48 datchık ornatylǵan. Jyl sońyna deıin taǵy 15-in ornatý josparlanǵan. Bul jumystar ákimdikpen birlesip atqarylýda.

 

Sońǵy jańalyqtar