17 Qazan, 20:40 397 0 Ekonomıka Anar LEPESOVA

Keler jyldan bastap 200 teńgelik moneta aınalysqa shyǵady

Qazaqstan Ulttyq banki 2020 jyly nomınaly 200 teńgelik monetany aınalysqa shyǵarady.

Ulttyq banktiń mańyzdy mindetteriniń biri qolma-qol aqsha aınalysynda júrgen qolma-qol aqshanyń sapasyn qamtamasyz etý bolyp tabylady. Bul banknotty estetıkalyq turǵydan qabyldaý, onyń sanıtarlyq qaýipsizdigi jáne qorǵalý máselesi.

«Tómen nomınaldaǵy banknottar 1-1,5 jyl ishinde tozady. Salystyrý úshin, joǵary nomınaldaǵy banknottar jáne monetalardyń qoldanylý merzimi kóbirek. Monetalardyń qoldanylý merzimi – 10-15 jyl», - dedi Qolma-qol aqsha aınalysy departamenti basshysy Jomart Qajmuratov.

Qolma-qol aqsha aınalysyn tıimdi uıymdastyrý jáne tómen nomınaldardyń qoldanyl.ý merzimin ulǵaıtý maqsatynda, Ulttyq bank nomınaly 200 teńgelik aınalystaǵy monetany shyǵarý týraly sheshim qabyldady. «Nomınaly 200 teńgelik banknottar zańdy tólem quraly bolyp qalady jáne tólemderdiń barlyq túrleri boıynsha qabyldanýǵa mindetti. Olar tabıǵı tozýyna qaraı aınalymnan alynatyn bolady», - dedi Ulttyq banktiń ókili.

Nomınaly 200 teńgelik aınalystaǵy monetalardy aınalysqa shyǵarýdyń josparlanyp otyrǵan kólemi aınalystaǵy monetalardyń jalpy somasynyń 26% quraıdy.

Sońǵy jańalyqtar