16 Qazan, 10:48 358 0 Rýhanııat Anar LEPESOVA

Almaty ákimi birqatar qalamgerlerdi Prezıdenttiń alǵys hatymen marapattady

Bıyl «QR Til týraly» zańynyń qabyldanǵanyna 30 jyl. Osyǵan oraı Almatydaǵy birneshe aqyn, jazýshylar el prezıdenti Qasym-Jomart Toqaevtyń alǵys hatymen marapattaldy. Qala ákimi Baqytjan Saǵyntaev zııaly qaýymdy aıtýly datamen quttyqtap, qazaq tiliniń mańyzdylyǵyn atap ótti, dep habarlaıdy "Almaty" arnasy. 

«Prezıdentimiz óziniń joldaýynda «Qazaq tili endi jalpy ultaralyq tilge aınalýy kerek» dep aıtyp ótti ǵoı. Soǵan da birte-birte jetemiz. Ońtústik óńirlerdi ne batys óńirdi alsańyz, negizinen qazaqsha sóıleıdi», – dedi Almaty qalasynyń ákimi Baqytjan SAǴYNTAEV.

Sharaǵa jınalǵan memlekettik jáne qoǵam qaıratkerleri, sondaı-aq, til janashyrlary qazaq tilin damytýda óz usynystaryn aıtty. Biri, zańdy qatańdatý kerek dese, ekinshisi mektepterde qazaq jazýshylarynyń kitaptaryn kóbeıtken jón deıdi. Sondaı-aq, qazaq tilin zaman talabyna saı dáripteý de sóz boldy.

«Sońǵy 20 jylda mektep kitaphanalaryna jańa ádebı kitaptar túsken joq.  Oqýlyqtar jáne qosymsha kitaptar bolýy múmkin. Biraq qazaq jazýshylarynyń kitaptary mektep kitaphanalarynda joq. Al, bul – úlken problema», – dedi Qazaqstan Jazýshylary odaǵy tóraǵasynyń orynbasary Mereke QULKENOV.

«Aýdarma kontentterdiń ishinde qazaq tili turý kerek. Osyndaı qazaq tili eshqandaı adam resýrstaryn qospaı-aq, tehnologııa boıynsha aýdaryp otyratyn bolsaq, onda búkil JOO bilim mazmundary qazaq tiline eriksiz kóship ketedi. Jáne jastar qınalmaı, bilimdi ıgere beretin bolady. Osyndaı dúnıege jetetin bolsaq, onda qazaq tiliniń órisi keńeıedi dep oılaımyn», – dedi Almaty qalalyq máslıhatynyń depýtaty Kenjehan MATYJANOV.

Sońǵy jańalyqtar