15 Qazan, 20:53 299 0 Áleýmet Anar LEPESOVA

Elimizde páter ıeleri kooperatıvteriniń jumysy toqtatylady

3 jyldan keıin elimizde páter ıeleri kooperatıvteri óz jumysyn toqtatpaq. Búgin Parlament Senatynyń ekinshi oqylymyna joldanǵan «QR Turǵyn úı máselelesi boıynsha zańǵa ózgerister men tolyqtyrýlar engizý týraly» zań jobasynda osyndaı ózgeris qaralǵan. 

Parlament Senatynyń ekonomıkalyq saıasat, ınnovaııalyq damý jáne kásipkerlik komıteti búgin «QR Turǵyn úı máselelesi boıynsha zańǵa ózgerister men tolyqtyrýlar engizý týraly» zań jobasyn qarady. «Bul zań jobasy úsh márte kóptiń aldynda talqylanǵan bolatyn. Zań jobasynyń alǵashqy nusqasy men qazirgi nusqasynyń aıyrmashylyǵy úlken. Zań jobasyna osy ýaqytqa deıin 400-ge tarta ózgeris pen tolyqtyrý engizildi. Májilis jáne Senat depýtattary óz tarapynan tıisti usynystardy engizdi. Jumys tobynyń birneshe otyrysy ótip, uzaq talqydan keıin zań jobasy Senattyń ekinshi oqylymyna joldandy», – dedi QR Indýstrııa jáne ınfraqurylymdyq damý birinshi vıe-mınıstri Qaıyrbek Óskenbaev búgingi Senattaǵy otyrystan keıin tilshilerge bergen jaýabynda.

Vıe-mınıstrdiń aıtýynsha, PIK-ter 2022 jyldyń 1 shildesinde jumysyn toqtatady.

«Sebebi, biz norma boıynsha basqarý formasy ózgergenge deıin 3 jyl ýaqyt surap otyrmyz. Aldaǵy bir jylda kez kelgen turǵyn úıdiń turǵyndary qandaı basqarý formasyn tańdaıtynyn aıqyndap alýy kerek. Olar qarapaıym seriktestikti tańdaı ma, álde, úıdiń búkil sharýasyn zańdy tulǵa júrgizgenin qalaı ma – anyqtap alýy tıis. Iaǵnı, turǵyndar basqarý organyn tańdaýǵa quqyly. Olar zańdy tulǵaǵa júginbeı-aq basqarýshy kompanııamen kelisip ala alady. Zań jobasy boıynsha qasbettiń, shatyrdyń qalypty jaǵdaıda bolýyna qatysty jergilikti atqarýshy organdarǵa úlken quziret beriledi», – dedi ol.

Sońǵy jańalyqtar