15 Qazan, 16:23 334 0 Rýhanııat Anar LEPESOVA

Ulytaýdyń 80 jyldyǵy toılandy

Ulytaý aýdanynda aqyn Taıjan Qalmaǵambetovtyń 140 jyldyǵyna jáne Ulytaý aýdanynyń 80 jyldyǵyna arnalǵan merekelik is-sharalar ótti, dep habarlaıdy Qaraǵandy oblysy ákimdiginiń baspasóz qyzmeti.

«Rýhanı jańǵyrý» baǵdarlamasy aıasynda uıymdastyrylǵan saltanatty sharaǵa QR Parlamenti Senatynyń depýtaty Rysqalı Ábdikerov Qaraǵandy oblysy ákiminiń orynbasary Abzal Núkenov, Ulytaý aýdanynyń ákimi Berik Ábdiǵalıuly, sondaı-aq qonaqtar men jergilikti turǵyndar qatysty.

Mereıtoılyq datalar qurmetine merekege qatysýshylar aýdannyń ortalyq saıabaǵynda shyrsha otyrǵyzdy. Kórermender úshin Ulytaý aýdanynyń mádenıet úıiniń ártisteri, Jezqazǵan men Sátbaev qalalarynyń shyǵarmashylyq ujymdary óner kórsetti.

Sondaı-aq, mereke aıasynda Taıjan Qalmaǵambetovtyń «Taıjan izimen» respýblıkalyq án baıqaýy jáne qazaq kúresinen jarys ótti. «Taıjan izimen» baıqaýynda Jańaarqa aýdanynan J. Syzdyqov bas júldeni ıelendi. Jeńimpazǵa bir mıllıon teńge aqshalaı sertıfıkat berildi.

Birinshi oryndy qyzylordalyq B. Ábdimájıtov jeńip aldy. Ekinshi oryndy Qyzylorda qalasynan kelgen I. Dáýlethan ıelendi. Úshinshi oryn Jezqazǵan qalasynyń ánshisi M. Shoqtaevǵa berildi. Barlyq qatysýshylar dıplomdarmen jáne aqshalaı sertıfıkattarmen marapattaldy. «Sheber oryndaýshy» nomınaııasy boıynsha J. Bıjigitov jeńimpaz atandy, al «Dáripteýshi» nomınaııasy boıynsha S. Qısatova úzdik atandy. Oryndaýshylar 100 000 teńgeden aldy.

Qazaq kúresinen 70 kelige deıingi salmaq dárejesinde E. Tólesh jeńimpaz atandy. Ekinshi oryndy A. Maýlenın ıelendi. Úshinshi orynǵa N. Saǵyntaı ıe boldy. Absolıýttik salmaq dárejesinde J. Qudaıbergen jeńiske jetti, ekinshi orynda - A. Esenqabyl , úshinshi orynda - B. Alshynbek.

Mereke qazaqstandyq estrada juldyzdarynyń qatysýymen gala-konertpen aıaqtaldy. Sahnada Ómirzaq Aınııazov, Beıbit Kúshqalıev, Sıvı Mahmýdı jáne Nurjan Kermenbaev óner kórsetti.

 

Sońǵy jańalyqtar