15 Qazan, 16:11 348 0 Kólik Anar LEPESOVA

Elordalyqtar qoǵamdyq kólikte jolaqyny bet-álpetimen tóleı alady

Budan bylaı elordalyqtar  qoǵamdyq kólikte jolaqyny bet-álpetimen tóleı alady. Jańa tólem júıesi avtobýstarda ornatylatyn adamnyń bet-álpetin tanıtyn kamera arqyly júzege asyrylmaq. Bul týraly Face Pay jobasynyń ázirleýshileri habarlady. 

Júıege tirkelý úshin adam Telegram arqyly arnaıy botqa óziniń JSN-in, bank kartasynyń málimetterin jáne selfıge túsip jiberý kerek.

Osydan keıin jolaýshy avtobýsqa kirgende kameraǵa qarap-aq tólem jasaı alady. Kamera adamnyń bet-álpetin tanyp, júıe avtomatty túrde onyń kartasynan jolaqyny sheship alady.

"Búgin biz Face Pay ınnovaııalyq jobasyn tanystyrdyq. Bul – bıometrııa arqyly jolaqy tóleý júıesi. Biz Telegram-da arnaıy bot jasadyq. Siz ol arqyly óz JSN nómirińizdi, selfı sýretińizdi, kartochkańyzdy tirkep, júıege qosyla alasyz.

Óz málimetterińizdi qoldanýǵa ruqsat bergennen keıin, qoǵamdyq kólikte aqshasyz, kartasyz jáne telefonsyz jolaqysyn tóleı beresiz. Avtobýsqa kirgen kezińizde júrgizýshiniń monıtorynda sizdiń sýretiniń paıda bolady", – dep túsindirdi "Ipay" kompanııasynyń quryltaıshysy Almas Aımenov.

Jobanyń ázirleýshileri bul júıeni azamattardy baqylaý tásili retinde emes, qolaıly jáne qaýipsiz qyzmet retinde qarastyrýdy usyndy.

Taǵy bir aıta keterligi, eger Astana LRT polıııamen yntymaqtastyq ornatsa, júıe izdeý salynǵan qylmyskerlerdiń sýretin quqyq qorǵaý organdaryna jiberip tura alady. Osylaısha, jańa júıe qylmyskerlerdi ustaýǵa da septigin tıgizbek.

Astanada jobany testileýden ótkizý osy aptada bastalady. Jańa tólem júıesi Nur-Sultandaǵy eki avtobýsqa ornatylmaq.

Sońǵy jańalyqtar