15 Qazan, 11:44 556 0 Týrızm "Túrkistan" gazetiniń avtorlary

Sharyndaǵy «Eko park» kesheni

Qyzǵylt qamaldaǵy jalǵyz jol bizdi «Eko park» keshenine alyp keldi. Parkte týrıster úshin barlyq jaǵdaılar jasalǵan. Almaty oblysyndaǵy eń úlken Sharyn ózeni boıynda jaǵalaı ornalasan demalys ornynda qonýǵa bolatyn qazaq úıler mańǵazdana, ádemi jerge kórik bolyp ornalasqan. Ishi qazaqy naqyshta kórkemdelip, bezendirilgen. Parkte birneshe kafeler de bar. Bir kúnge kelýshi saıahatshylar úshin tapshandar ózen boıy ornalasqan. Qazaq úıler arasynda ornalasqan tabıǵı gazondarda jatsań, kók jaılaýda jatqandaı bolasyń. Tamaǵy qoljetimdi. Ókinishtisi, ınternet joq. Ǵalamtor men uıaly baılanysty qosý úshin kúshi myqty 380 voltti elektr jelisin tartý qajet, deıdi park ókilderi. Park elektr qýatyn kún batareıalarynan alýda.

Park ınspektory Akramov Maksımniń aıtýynsha, kóktem jáne kúz mezgilinde týrısterdiń legi kóbeıedi eken. Byltyrǵy jyly 15 000 saıahatshy kelse, bıylǵy jyldyń 9 aıynda 18 807 myń adam kelgen. - Jyldan jylǵa Sharyn shatqalyn kórýge kelýshiler sany artýda. Biz kelgen barlyq saıahatshylardy tirkep otyramyz. Kóbine, Koreıa, Franııa, Qytaı, Amerıka, Polsha, Eýropadan týrıster kóp keledi, deıdi ol. Biz de jol-jónekeı Estonııa, Amerıka, Indııa, Polsha, Qytaı, Koreıadan kelgen týrıstermen tanysyp, keıbirin áńgimege tarttyq. Biri úshinshi ret kelse, ekinshi biri  Qazaqstanǵa alǵash ret kelipti. Qytaılyqtar Qazaq elin Dımash arqyly tanyp kelse, koreıalyqtar jumys saparymen, al, Polshadan kelgender arnaıy saıahattap kelipti. Barlyǵy Sharyn shatqylanan keremet áser alǵandyǵyn jetkizdi jáne týrızmdi damytý úshin taptyrmas biregeı jer ekendigin aıtty.

«Men Qazaqstanǵa birinshi ret keldim. Kópten beri kelýdi armandaǵan edim. Búgingi saıahattan alǵan áserim keremet. Mynandaı ádemi, kóz tartar jerdi buryn sońdy kórmeppin. Bul jartastar, tabıǵat, myna taza aýa, bári-bári keremet. Maǵan Qazaq eliniń taǵamy, tabıǵaty, adamdary da unady!», - dedi Úndi elinen kelgen amerıkandyq Bıl Devıd.

Bıylǵy jyldyń basty jańalyǵy  - «Eko park» kesheni qystyń kúni de jumys isteıtin bolady. Buǵan deıin qystyń kúni shatqalǵa túsýge ruqsat berilmegen edi. Endi, «Sharyn» ulttyq tabıǵı parkine jyl boıy kelseńizder bolady.

Kelemin deýshiler úshin aqparat:

Kirý quny 1 adamǵa - 752 tg.

Ekskýrsııalyq gıdtiń qyzmeti bir topqa — 2500 tg. Oǵan 20 adam kiredi.

Tamaqqa 1 adamǵa shamamen — 2-3 myń tg. ketedi (Palaý, salat, nan, sháıin qosqanda).

Qazaq úılerdi jalǵa berý 1 kúnge — 45 myń tg. (8 adamǵa/ tamaǵy kirmeıdi).

Óz taǵamdarymen kelgender úshin arnaıy ústelder, tegin tapshandar bar.

Ishin kólikpen aralap, tamashalaımyn deseńiz, 1 baǵytqa 1000 teńgeden park kólikteri júredi. Aıta keteıik, shatqaldyń ishine jeke kólikterińiz kirgizilmeıdi. Qaýipsizdik maqsatynda ruqsat etilmeıdi.

Saıahatshylardyń qaýipsizdigin arnaıy patrýldik top qamtamasyz etedi.

Sońǵy jańalyqtar