15 Qazan, 11:11 273 0 Densaýlyq Anar LEPESOVA

Elimizde jyl saıyn 15 myń adam qaterli isikten kóz jumady

Jyl saıyn Qazaqstanda 35 myń adamnan qaterli isik anyqtalady. Qazir 180 myńǵa jýyq naýqas esepke alynǵan. Dárigerlerdiń aıtýynsha, bul dertke shaldyqqandardyń 50 paıyzy emdelip shyǵady, dep habarlaıdy «Habar 24».

Al, memleket onkologııalyq aýrýlardy emdeýge jyl saıyn 36 mlrd teńge bólip otyr. Odan bólek, ozyq tehnologııaly emdeý ádisteri engizilip jatyr.

Aty qorqynyshty aýrýǵa shaldyqqandardyń kóbi dárigerdiń aldyna kesh keledi. Al, asqynǵan dertti emdeý qıyn. Elordadaǵy onkologııa ortalyǵynyń bas dárigeri Muhtar Tóleýtaevtyń aıtýynsha, syrqattardyń 40%-i 3 nemese 4 satysynda em izdeıdi. Ol kezeńde isik metastazaǵa aınala bastaıdy. Dárigerdiń aýzynan jaman dert týraly estigen syrqatqa psıhologtyń da kómegi kerek bolady. Adam aýrýdy surap almaıdy. «Degenmen, aǵzada qandaı da derttiń belgisin baıqaǵan adam dereý dárigerge barǵany durys», - dedi tájirbıeli onkolog. Qazir syrqattardy emdeýdiń jańa ádisteri de kóbeıdi.

Muhtar Tóleýtaev, qalalyq onkologııa ortalyǵynyń dırektory:

- Bas pen moıyn aýmaǵynda ornalasqan isikter bolady, jaq súıegi, til, tildiń obyry, aýyz qýysynyń obyry deıdi. Sol jerde mıkrohırýrgııalyq jaq qalyptastyrý, adamǵa jasandy til jasaıtyndaı operaııalar qolǵa alynyp, kómek kórsete alamyz. Ol mıkroskopııa arqyly jasalatyn operaııa. Odan keıin aýyz qýysynda plastıkalyq operaııa jasap, sol múshelerde kezdesken isikterdi alyp tastaýǵa otalardy meńgergen.

Tomoterapııa. Elimizde bıyl qoldanyla bastady. 130 adam osy ádispen em qabyldaǵan. Onyń úshten biri tegin medıınalyq kómek aıasynda emdelgen. Nesimen erekshelenedi desek. Adamnyń denesinde hırýrgııalyq tilik jasalmaıdy. Isikti jan-jaǵynan sáýlemen sylyp alady. Bul terapııa Orta Azııa elderinde tek Qazaqstanda bar. Sondyqtan kórshi elderden de syrqattar kele bastaǵan.

Erjan Shaıahmetov, ıadrolyq medıına jáne tomoterapııa ortalyǵynyń hırýrg-onkology:

- Bul údetkish jelimen salystyrǵanda az mólsheri terapııa sanalady. Iaǵnı, tıimdiligi – emdeý úshin az mólsherli, tómen proentti sáýle qoldanylady. Sondaı-aq isiktiń jan-jaǵyndaǵy saý tinderge zııanyn tıgizbeıdi. Mysaly, qýyqasty beziniń qaterli isigin 99%-ke emdep shyǵady. Ary qaraı gormondy terapııamen emdeıdi.

Elimizde 180 myńǵa jýyq adam qaterli isik aýrýymen esepte tur. Jyl saıyn myńdaǵan adamnan anyqtalady. Dert saldarynan 15 myń adamnyń dám-tuzy taýsylady. Densaýlyq saqtaý mınıstrliginiń málimetinshe, Shyǵys Qazaqstan, Qaraǵandy men Túrkistan oblystarynda kórsetkish joǵary.

 

Sońǵy jańalyqtar