15 Qazan, 10:48 340 0 Mádenıet Anar LEPESOVA

"Muzbalaq" Germanııada «Úzdik anımaııalyq fılm» júldesimen marapattaldy

Qazaqtyń ǵasyrlar boıy qalyptasqan saıatshylyq mádenıeti týraly syr shertetin «Muzbalaq» anımaııalyq fılmi Germanııadan júldemen oraldy, dep habarlaıdy «Qazaqfılm».

Atalmysh anımaııalyq fılmi 7-13 qazan aralyǵynda Germanııanyń Hemnı qalasynda ótken 24-shi Halyqaralyq balalar men jasóspirimderge arnalǵan Schlingel kınofestıvalinde Germanııanyń anımaııalyq fılmder ınstıtýty (DIAF) taǵaıyndaǵan «Úzdik anımaııalyq fılm» júldesimen marapattaldy.

«Muzbalaq» anımaııalyq fılmi búrkit pen adamnyń dostyǵy týraly baıandaıdy. Fılmdi QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ túsirgen. Rejısserleri –Turdybek Maıdan jáne Tilek Tóleýǵazy.

«2D anımaııasynyń tań qaldyrarlyq úlgisi. Disney jáne Pixar anımaııalyq keńistiginen tys jerde jasalǵan naǵyz jańalyq», delingen festıvaldiń baspasóz baıanynda. Schlingel halyqaralyq festıvalin Germanııanyń balalar men jasóspirimder jónindegi Sakson qyzmeti uıymdastyrǵan. Bıyl bul baıqaýda 52 elden kelgen 233 balalar men jasóspirimderge arnalǵan fılm kórsetildi.

«Bul fılm ulttyq boıaýy qanyq, qazaqtyń bolmysyn kórsetetin týyndy, sondyqtan da sheteldikterge qyzyqty boldy dep oılaımyn. Osy oraıda, bizge qoldaý kórsetip, osy fılmniń shyǵýyna sebepker bolǵan Mádenıet jáne sport mınıstrligine, «Qazaqfılm» kınostýdııasyna alǵysymyzdy bildiremiz. Osyndaı jeńister kóp bolyp, «Muzbalaq» barshamyzdy qýanta bersin», - dedi fılmniń rejısseri Turdybek Maıdan.

Esterińizge sala ketsek, byltyr «Muzbalaq» fılmi Qazaqstannyń kınematografıster odaǵy taǵaıyndaǵan «Qulager» syılyǵy – «Úzdik anımaııalyq fılm» júldesimen marapattalǵan. Sonymen qatar, anımaııalyq týyndy Reseıde ótken XVII Halyqaralyq «Alaý rýhy» («Dýh ognıa») atty debıýttik fılmder kınofestıvaliniń jasóspirimder men balalarǵa arnalǵan baıqaýyna jáne Chehııanyń Zlın qalasynda ótken 59-shy balalar men jasóspirimderge arnalǵan «Panorama» festıvaliniń konkýrstan tys baǵdarlamasyna qatysty. Odan bólek, bul fılm Reseıde ótken 14 Halyqaralyq «Otbasymen birge» festıvalinde arnaıy júldege qol jetkizdi.

 

Sońǵy jańalyqtar