15 Qazan, 10:32 273 0 Densaýlyq Anar LEPESOVA

"Analızdar eshqashan tekserilgen emes": Shymkenttegi balalar aýrýhanasynyń zerthanashylary mekemedegi sumdyqtyń betin ashty

Shymkenttegi balalar aýrýhanasynan shý shyqty. Zerthananyń qos qyzmetkeri aýrýhanada aqyly jasalǵan saraptama qorytyndylary jalǵan dep málimdedi. Tipti merzimi ótken dáriler qoldanylyp kelgen.  

Shymkenttegi klınıkalyq balalar aýrýhanasynyń qos zerthanashysy jaǵa ustatarlyq jaǵdaıǵa kýá bolǵanyna jyldan asqanyn aıtady. Biri dáriger-laborant, ekinshisi feldsher-zerthanashy bolyp jumys isteıdi. Aıtýlarynsha, bul jerde ózge emhanalardyń da analızderi taldanady, dep habarlady "Astana" arnasy.

"Qalanyń barlyq emhanasy kelisimshartqa turady. Olar bizge analız jasap berý úshin aqsha aýdarady, múgedek balalar, júkti áıelder, eresekter, balalar – barlyq analız keledi. Biraq ony ótirik qabyldap alǵan bolady da, ketkesin ol qoqysqa tastaıdy", - deıdi dáriger-laborant Raýshan Tóregeldıeva.  

Onyń aıtýynsha, taldaý qorytyndysy alýǵa kelgenderge qoldan jalǵan aqparat jazyp berip otyrǵan.

"Antıbıotıkti sezgishtik, bakterııanyń bar-joǵy týraly málimettiń bári ótirik, oıyna ne keledi sony jazyp otyrǵan. Tekserý eshqashan bolǵan emes, analız istelinbegen",- dep tolyqtyrdy ol.

Olar saraptama jasalǵan kúnde de, saqtaý merzimi áldeqashan ótip ketken preparattar qoldanylyp kelgenin aıtyp otyr. Olardyń saqtaý kúnin jasyrý úshin qaǵazyn óshirip, jańasyn japsyrǵan kórinedi. Dálel retinde beınejazbany usyndy.

"Biz zerthanada ınfekııalardy ósirý jolymen balanyń qandaı antıbıotıkterge sezimtal ekenin anyqtaımyz. Sóıtip qandaı antıbıotık áser etetinin aıtyp beremiz. Merzimi ótip ketken dáriniń kúshi bolmaıdy, bakterııalar jaqsy óspeıdi. Analız durys berilmeıdi", - deıdi feldsher-laborant  Gúlnár Sársenbaeva.

Densaýlyq saqtaý basqarmasynyń basshysy máseleni baqylaýyna aldy. Qyzmettik tekseris te bastalǵan. Ol bul jazba áldekimderdiń arandatýy bolýy múmkin dep topshylaıdy.

"Neǵylǵan quty ekenin surattym, tirkeý nómiri boıynsha teksergende bul taýarlar bizdiń reestrde tirkelmegeni anyqtaldy. Demek ol qutylardy syrttan ákelgen bolýy múmkin. Soǵan qarap, aldyn ala men buny áldekimderdiń arandatýy dep oılap otyrmyn", - dep Shymkent qalalyq densaýlyq saqtaý basqarmasynyń basshysy Ashan Baıdývalıev.

Qazir osy istiń aq-qarasyn anyqtaýǵa polıııa men prokýratýra da jumyldyryldy. Shymkenttiń bas dárigeri eger qoldan uıymdastyrylǵany anyqtalsa, kinálilerdiń barynsha qatań jazalanýyn talap etemin dep otyr.

 

Sońǵy jańalyqtar