14 Qazan, 15:13 279 0 Qaýipsizdik Dınara MYŃJASARQYZY

Qazaqstan BAÁ men Qatar sheıhterine dýadaq aýlaýǵa ruqsat berdi

Qazaqstan úkimeti Birikken Arab Ámirlikteri men Qatardyń tórt sheıhine 2019 jylǵy qazan men qarasha aılarynda el aýmaǵyndaǵy qoryqtarda ıtelgimen daraq jek dýadaq aýlaýǵa resmı ruqsat berdi.

Bul týraly premer-mınıstr Asqar Mámın qol qoıǵan úkimet qaýlysy Qazaqstannyń normatıvtik quqyqtyq aktileriniń aqparattyq-quqyqtyq júıesi saıtynda jarııalandy.

Qaýlyǵa sáıkes, BAÁ sheıhi Halıf Bın Zaed ál-Nahaıanǵa suńqarmen Túrkistan oblysyndaǵy Arys jáne Qarataý qoryǵynyń aýmaǵynda 43 dýadaq jáne Jambyl, Qyzylorda men Túrkistan oblystaryndaǵy Ońtústik Qazaqstan qoryǵynda 90 dýadaq aýlaýǵa ruqsat berilgen.

BAÁ-niń taǵy eki sheıhi – Sýrýrý jáne Seıf Bın Muhammed ál-Nahaıannyń árqaısy Mańǵystaý oblysyndaǵy Kendirli – Qaıasan qoryǵynan 43 dýadaq aýlaýǵa ruqsat alǵan.

Qatar sheıhi Jasem Bın Hamad Bın Halıfa ál-Tanıge Jambyl oblysyndaǵy Ańdasaı qoryǵy aýmaǵynda 27 dýadaq jáne Almaty men Jambyl oblystaryndaǵy Jýsandala qoryǵynda 30 dýadaq aýlaýǵa ruqsat berilgen.

Úkimet Almaty, Jambyl, Qyzylorda, Mańǵystaý jáne Túrkistan oblystary ákimderine sheteldikterge "qajetti járdem kórsetý", al keden qyzmetine Qazaqstanǵa sheıhter saıatshylyq maqsatymen ákeletin jáne áketetin ıtelgilerdi tıisti tártip boıynsha rásimdeýdi tapsyrǵan.

Sheıhter Qazaqstan aýmaǵynda aýlaǵan ár qusqa el bıýdjetine 260 aılyq eseptik kórsetkish (656 600 teńge nemese 1700 dollar) kóleminde aqsha tóleýi tıis.

Qazaqstanda dýadaq joıylýǵa shaq turǵan sırek qus retinde Qyzyl kitapqa engizilgenimen úkimet talaı jyldan beri sheteldik sheıhterge ony aýlaýǵa ruqsat berip keledi.

Sońǵy jańalyqtar