13 Qazan, 17:05 336 0 Ádebıet Anar LEPESOVA

Ilııas shyǵarmalarynyń 20 tomdyǵy oqyrmanǵa jol tartty

Taldyqorǵanda aqyn, dramatýrg, aýdarmashy ári jýrnalıst Ilııas Jansúgirovtiń 20 tomdyq jınaǵy oqyrmanǵa jol tartty, dep habarlaıdy Almaty oblysy ákimdiginiń baspasóz qyzmeti.

Aqynnyń 125 jyldyǵy aıasynda jaryq kórgen jınaq 10 myń danamen basyp shyǵaryldy. «Óz eli óz erlerin eskermese, el tegi alsyn qaıdan kemeńgerdi» ǵylymı-praktıkalyq konferenııa sheńberinde ótken tusaýkeserge oblys ákimi Amandyq Batalov qatysty.

«Óskeleń urpaqqa qaldyrǵan baı murany nasıhattaý maqsatynda oblysta kóptegen jumys atqarylyp jatyr. Elbasynyń «Rýhanı jańǵyrý» baǵdarlamasy aıasynda ótkenimizdi, tarıhymyzdy, mádenı muramyzdy jan-jaqty taldap, zerdeleýge múmkindik týdy. Prezıdent Qasym-Jomart Toqaev: «Rýhanı jańǵyrý bizdiń basty baǵdarymyz bolyp qala beretinin», - atap ótip, baǵdarlamanyń eldiń odan ári damýy úshin mańyzdylyǵyn aıtyp ótken edi.

Bul baǵdarlama qazaqtyń uly aqynnyń murasyn, qazaq ádebıetiniń altyn qorynyń qazynalaryn saqtaýǵa, kóbeıtýge múmkindik berdi», - dedi oblys ákimi jıynda. Óńir basshysynyń aıtýynsha, Ilııas Jansúgirovtiń eńbekterin nasıhattaý maqsatynda aımaqta kóptegen mańyzdy sharalar, onyń ishinde arnaıy ǵylymı ekspedıııa da júrgizilgen.

«Ekpedıııa músheleri Máskeýge deıin baryp, aqynnyń erekshe muraǵat qujattary men kitaptarynyń kóshirmelerin ákeldi», - dedi ol. Amandyq Batalov sonymen qatar, Ilııas Jansúgirov atyndaǵy qordyń qoldaýymen bıyl tanymal aǵylshyn aqyny Belında Kýktyń aýdarmasymen «Qulager» poemasy aǵylshyn tiline aýdarylǵanyn málim etti. Atalmysh poemany orys ádebıetiniń klassıkteri Pasternak, Mandelstam, vetaeva óz tiline aýdarǵan bolatyn. Sonymen qatar, buǵan deıin nemis aqyny Gerd Haıdenreıhtiń arqasynda týyndy Gete tilinde de jaryqqa shyqqan.

Osydan keıin sóz alǵan Qazaqstan Jazýshylar odaǵynyń tóraǵasy, Memlekettik syılyqtyń ıegeri, aqyn Ulyqbek Esdáýlet ekpedıııanyń arqasynda Máskeýden aqynnyń 18 kitaby ákelingenin atap ótti.

Óz kezeginde fılologııa ǵylymdarynyń doktory, Qazaqstan Jazýshylar odaǵy basqarmasy tóraǵasynyń orynbasary Baýyrjan Jaqyp aqynnyń ómiri men shyǵarmashylyǵyna egjeı-tegjeıli toqtalyp, onyń ulaǵatty ǵumyryndaǵy eńbegi jaıly syr shertti.

Al fılologııa ǵylymdarynyń doktory, Ilııas Jansúgirov atyndaǵy Ádebıet jáne óner ınstıtýtynyń ǵylymı qyzmetkeri Nurdáýlet Aqysh aqynnyń shyǵarmashylyq álemi týraly sóz qozǵady. Aqyn shyǵarmashylyǵyn zertteýdegi sońǵy jetistikteri boıynsha fılologııa ǵylymdarynyń doktory, professor, «Ilııastaný» ǵylymı-praktıkalyq ortalyǵynyń jetekshisi Muratbek Imanǵazınov bólisse, jazýshy, «Qazaq ádebıeti» respýblıkalyq gazetiniń bas redaktory, Túrki beıbitshilik syılyǵynyń ıegeri Dáýren Qýat aqynnyń jýrnalıstik talanty týraly aıtyp berdi.

Igi shara aqynnyń mereıtoıyna arnalǵan respýblıkalyq «Jazba aqyndar» baıqaýynyń jeńimpazdaryn marapattaý rásimimen jalǵasty. Poetıkalyq baıqaýdyń bas júldesin aqyn Baıbota Kóshim-Noǵaı ıelense, birinshi oryndy aqyn Serik Aqsuńqar ıelendi.

Konferenııadan keıin merekelik sharalar ulttyq at sporty jarystaryna ulasty.

Sońǵy jańalyqtar