12 Qazan, 16:52 314 0 Jahan Anar LEPESOVA

BUU sońǵy onjyldyqtaǵy eń iri qarjy daǵdarysyna ushyrady

BUU  qarjy daǵdarysymen betpe-bet keldi. Uıymnyń Bas hatshysy Antonıý Gýterrısh aldaǵy aıda uıym 44 myń qyzmetkerge jalaqysyn tóleı almaı qalýy múmkin ekenin aıtty.Bul týraly Shveıarııanyń Neue Zürcher Zeitung basylymyna habarlady.

«BUU qarjylyq daǵdarysqa ushyrady. Qolma qol aqshasyz bıýdjet tıisti jolmen atqaryla almaıdy», dedi Nıý Iorktegi BUU bıýdjetti komıssııa aldynda sóz sóılegen Bas hatshy.

Avtordyń aıtýynsha, osylaısha Gýterrısh búgingi tańda uıymǵa múshe 193 memlekettiń tek 129-y múshelik jarnany tólegenin jetkizgen. Eń iri boryshker AQSh bolyp otyr. Vashıngton salatyn qarjy BUU bıýdjetiniń 22 paıyzyn quraıdy.

«Búgingi bıýdjet 3,3 mlrd dollar, al qaryz 674 mln dollar bolyp tur. Vashıngton byltyrǵy 381 mln dollar qaryzyn da tólemegen. BUU ótken aıda aqshany únemdeý úshin arnaıy shara qabyldaýǵa májbúr bolǵan. Iaǵnı, keıbir joǵary laýazymdarǵa adam qabyldanbaǵan, mańyzdy kezdesýler men jınalystar ótkizilmegen nemese ýaqyty aýystyrylǵan», dep jazady avtor.

Onyń aıtýynsha, BUU ýaqytynda jarna tólemeıtin qatysýshy memlekettermen kúresip júr. «Qyrkúıektiń sońynda bıylǵy jyldyń bıýdjeti tek 70%-ke qarjylandyrylǵan. Bul byltyrǵy jyldan tómen. Jalpy alǵanda BUU 1,3 mlrd dollar qaryzyn óndire almaı otyr», dep jazady basylym.

Sońǵy jańalyqtar