12 Qazan, 13:56 290 0 Zań Anar LEPESOVA

Mańǵystaý oblysynda jerdi zańsyz taratqan sheneýnik ustaldy

Mańǵystaý oblysy Túpqaraǵan aýdandyq jer qatynastary bólimi basshysynyń mindetin atqarýshy qyzmettik jalǵandyq jasady degen kúdikke ilindi. Bul týraly QR Sybaılas jemqorlyqqa qarsy is-qımyl agenttigi habarlady. 

«Mańǵystaý oblysynyń Sybaılas jemqorlyqqa qarsy qyzmeti Túpqaraǵan aýdandyq jer qatynastary bólimi basshysynyń mindetin atqarýshyǵa qatysty qyzmettik jalǵandyq jasady degen kúdikpen sotqa deıingi tergeýdi bastady», - dedi vedomstvodan.

Ol is júzinde ótpegen jer komıssııasynyń hattamasynan jalǵan úzindi kóshirmelerdi berý jolymen, jerdi satý boıynsha saýda-sattyq (konkýrstar, aýkıondar) ótkizbeı nemese jalǵa alý quqyǵynsyz ýchaskelerdi berip kelgen. Oǵan jalpy somasy 62 mln teńgege 22 jeke jáne zańdy tulǵaǵa jer ýchaskelerin taratty degen aıyp taǵylyp otyr. «Sotqa deıingi tergeý jalǵasýda. Kúdiktige qatysty onyń kinálilik dárejesin anyqtaýmen túpkilikti sheshimdi sot shyǵarady», - dep qosty QR Sybaılas jemqorlyqqa qarsy is-qımyl agenttiginen.

 

Sońǵy jańalyqtar